جىل سايىن قازاقستانعا ەكى ميلليوننان استام شەتەلدىك ساپارمەن كەلەدى
بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا قازاقستاننىڭ تۋريندۋستريا ۇلتتىق وداعى ءتورايىمى يننا رەي ءمالىم ەتتى.
«جالپى، قازاقستانعا جىل سايىن ساپارمەن كەلەتىن ادامداردىڭ سانى 2 ميلليوننان اسادى. سونىڭ ىشىندە تۋريستىك كومپانيالاردىڭ كۇتىپ الاتىندارى 100 مىڭعا جۋىق. ياعني، وسى ادامدار دەمالۋ ءۇشىن، كورۋ جانە جاڭا نىساندارمەن تانىسۋ ماقساتىندا ەلىمىزگە ساپارلايدى. بۇل تۋريستەر ءبىزدىڭ ۇلتتىق ءداستۇرىمىزدى وتە جاقسى كورەدى»، - دەدى ي. رەي.
ونىڭ سوزىنە قاراعاندا، قازىرگى كەزدە قازاقستاننىڭ تۋريستىك كومپانيالارى وزدەرىنىڭ قىزمەت كورسەتۋ ءتىزىمىن جەتىلدىرۋدە. ونىڭ اياسىندا كومپانيالار تۋريستەردىڭ قىزىعۋشىلىعىن ارتتىرۋ ءۇشىن ۇلتتىق سالت- ءداستۇردى كەڭىنەن تانىستىرىپ، ۇلتتىق تاعامداردى ۇسىنادى.
«بۇل ءوز كەزەگىندە ءتيىستى ناتيجەلەر بەرىپ وتىر. وسى رەتتە ەلىمىزگە ساياحات بارىسىندا مەيماندار دا جاقسى اسەر الاتىنىن بايقاپ ءجۇرمىز. سونىمەن قاتار ءبىز دە شەتەلدىك قوناقتارعا نە ۇنايتىندىعىن جاقسى تۇسىنە باستادىق»، - دەدى ي. رەي.
اۆتور: رۋسلان عابباسوۆ
