اقمولا وبلىسىندا «قوزى كورپەش - بايان سۇلۋ» كۇنىنە ارنالعان بايقاۋ ءوتتى
قازاقستان حالقى اسسامبلەياسىنىڭ اقمولا وبلىستىق فيليالى جانىنداعى «انالار كەڭەسىنىڭ» ۇيىمداستىرۋىمەن قالالىق قازاق كىتاپحاناسىندا وتكەن شاراعا وبلىس ورتالىعىنداعى ۋنيۆەرسيتەتتەر مەن كوللەدجدەردەن كەلگەن جۇپتار قاتىستى.
ءلايلا- ءماجنۇن جۇبى تالعامى جوعارى ەكەنىن كورسەتسە، قالقامان- مامىر جۇبى تاپقىرلىق تانىتتى. ال، كەبەك ەرجۇرەكتىلىك پەن باتىرلىقتى، قىز جىبەك جان تازالىعى مەن تاربيەلىلىكتى جانە قوزى كورپەش- بايان سۇلۋ جاستارعا ۇلگى بولارلىق سەزىم ادالدىعىن كورسەتە ءبىلدى.
بايقاۋ قورىتىندىسىنا ساي قوزى كورپەش- بايان سۇلۋ بەينەسىن سومداعان كوكشەتاۋ مەديتسينالىق كوللەدجىنىڭ ستۋدەنتتەرى ازامات تەنەلگەن مەن رايحان عازيزا جۇبى گران- ءپريدى جەڭىپ السا، اقان سەرى اتىنداعى ونەر كوللەدجىنىڭ ستۋدەنتتەرى نۇربەك ارىسبەك پەن حايىمقان جانسايا جۇبى ەكىنشى، ش. ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىنىڭ ستۋدەنتتەرى قاپار اقجول مەن امانگەلدى گۇلجاينا جۇبى جۇلدەلى ءۇشىنشى ورىن يەلەندى.
بايقاۋعا قاتىسقان بارلىق جۇپتارعا ەستەلىك سىيلىقتار ۇلەستىرىلدى.
اۆتور: اسلان وسپانوۆ
