قىتايلىق ينۆەستورلار ءۇرجار اۋدانىنداعى قۇس فابريكاسىنىڭ قۇرىلىسىن قارجىلاندىرۋعا نيەتتى

 وسكەمەن. قازاقپارات - جۋىردا ايماق باسشىسى دانيال احمەتوۆ  ق ح ر ينۆەستورلارىمەن كەزدەسۋ وتكىزدى. كەزدەسۋ بارىسىندا قىتاي حالىق رەسپۋبليكاسى كومپانيالارىنىڭ ءۇرجار اۋدانىندا سالىناتىن قۇس فابريكاسىنىڭ قۇرىلىسىن قارجىلاندىرۋ ماسەلەسى قارالدى،

 دەپ حابارلادى اكىمنىڭ باسپا ءسوز قىزمەتىنەن.

 Guangdong Xinyin FUND MANAGEMENT CO. LTD پرەزيدەنتى ۆۋ چۋنحۋەي جانە «كازازنەكا گرۋپ» باس ديرەكتورى ايدىن حارۋن قازاقستاندا جوبالاردى ىسكە اسىرۋعا قىزىعۋشىلىق تانىتىپ وتىرعاندىقتارىن ايتىپ، شىعىس قازاقستان وبلىسى ءۇرجار اۋدانىنداعى قۇس فابريكاسىنىڭ قۇرىلىسىن جۇرگىزۋدى قارجىلاندىرۋ ماسەلەسىن قاراستىرۋعا دايىن ەكەنىن جەتكىزدى. قۇس فابريكاسىنىڭ ءوندىرىس قۋاتتىلىعى جىلىنا 30 مىڭ توننا قۇس ەتىن قۇراماق.

 وبلىس اكىمى دانيال احمەتوۆ ىنتىماقتاستىققا دايىن ەكەنىن اتاپ ءوتىپ، ءبىر اپتا ىشىندە جوبانىڭ بيزنەس- جوسپارىن قاراستىرۋدى ۇسىندى.

 اتالعان ينۆەستيتسيالىق جوبانى ىسكە اسىرۋ قۇس ەتىن يمپورتتاۋ بويىنشا ماڭىزدى مەملەكەتتىك تاپسىرمانى ورىنداۋعا مۇمكىندىك بەرەدى. قۇس فابريكاسى پايدالانۋعا بەرىلگەن سوڭ 800-دەن استام جاڭا جۇمىس ورنى اشىلادى.

 فابريكانى سالۋ ءۇشىن ءۇرجار اۋدانىنىڭ تاڭدالىپ الۋىنىڭ سەبەبى شىعىس قازاقستان مەن الماتى وبلىستارىنىڭ ءىرى قالالارىنا جاقىن ورنالاسقان. سونىمەن قاتار، ءۇرجار اۋدانىندا قۇس فابريكاسىنىڭ ازىق بازاسىن قامتاماسىز ەتۋ ءۇشىن، بوس جاتقان سۋارمالى جەرلەر كوپ.