ەندى بانان جەمىسىن ۇزاق ساقتاۋعا بولادى

استانا. قازاقپارات -  يزرايل عالىمدارى ءپىسۋ مەرزىمىن باياۋلاتۋ ءۇشىن باناننىڭ د ن ق- سىن وزگەرتتى. وسىنىڭ ارقاسىندا جەمىستەردى ۇزاق ساقتاۋعا بولادى.

 بۇل جاڭالىق ەڭ الدىمەن توڭازىتقىش ساتىپ الۋعا مۇرشاسى جوق دامۋشى ەلدەردىڭ تۇرعىندارىنا قاجەت ەكەن.

الەم بويىنشا جۇرتتىڭ كوبىسى ءدامدى ءارى دارۋمەنگە باي وسى جەمىستى ۇناتادى. ءبىراق ءبىر كەمشىلىگى، باناندى ۇزاق ساقتاۋعا بولمايدى. ساتىپ العاننان كەيىن بىرنەشە كۇن وتىسىمەن، قابىعى قارايىپ، جەمىس ءشىري باستايدى.

 حايا فريدمان، ۆۋلكاني اتىنداعى ينستيتۋت قىزمەتكەرى:

- مىنا بانانداردىڭ د ن ق- سىن وزگەرتتىك، ەندى ولار باياۋ پىسەتىن بولدى. ال مىناۋ ءوز قالپىندا قالعان جەمىستەر. ەكى شوعى دا ءبىر مەزگىلدە، وسىدان ءبىر اي بۇرىن اعاشتان كەسىلگەنىنە نازار اۋدارىڭىز.

عالىمداردىڭ ايتۋىنشا، گەندەرى جەتىلدىرىلگەن بانانداردىڭ ءدامى مەن ساپاسى جاعىنان ەشبىر ايىرماشىلىعى جوق. ماماندار وسى جاڭالىقتارى جەمىستەر جەتىسپەيتىن دامۋشى ەلدەردىڭ تۇرعىندارىنا كومەك بەرەتىنىنە ءۇمىتتى. ەندى عالىمدار شارۋالار دا، ساتۋشىلار دا پايدا تاباتىنداي ەتىپ ءوز تەحنولوگياسىن ەنگىزۋ ءتاسىلىن ىزدەستىرىپ ءجۇر.

www.24.kz