الەم ءالى تالاي مارتە ەلباسىنىڭ ايتقان سوزدەرىنە ورالاتىن بولادى - عالىمبەك جاقسىلىقوۆ
بۇعان دەيىن دە كەلەلى مىنبەرلەردەن تورتكۇل دۇنيەنىڭ تاعدىرىنا الاڭداۋلى سوزدەرىن ايتىپ كەلە جاتقان قازاقستان پرەزيدەنتى بۇل جولى دا الەم نازارىن وزىنە اۋدارا ءبىلدى، - دەيدى قىزىلوردا وبلىستىق كاسىپكەرلەر پالاتاسىنىڭ ديرەكتورى عالىمبەك جاقسىلىقوۆ.
مۇنان ءارى ول، ەلباسى سوزدەرىن وي- سارابىنان وتكىزە كەلە ءوز پىكىرىن بىلايشا ءوربىتتى. «مەملەكەت باسشىسى ادامزاتتىق دەڭگەيدەگى وي ويلاۋ مەن سوعان سايكەس ارەكەت جاسايتىنىن تاۋەلسىزدىك العان العاشقى جىلدارى سەمەي يادرولىق پوليگونىڭ جابۋىمەن دالەلدەگەن ەدى. يادرولىق جانە باسقا دا جاپپاي- قىرىپ جوياتىن قارۋدان تولىقتاي ازات الەمگە قاراي دايەكتىلىكپەن ىلگەرىلەۋ كەرەك، - دەپ ءسوزىن جەتكىزۋى، بۇل - ءوز ۇلتىنىڭ «ماڭگىلىك ەل» يدەياسىمەن العا باسا بەرەتىنىنە سەنەتىن كوشباسشىنىڭ ءسوزى.
ءبىز بۇعان دەيىن دە ءداستۇرلى دىندەر باسشىلارىنىڭ باسىن قوسىپ الەم تىنىشتىعىن ساقتاۋعا قادام جاساعان ەلمىز. وسى تاريحي قۇجاتتا كەزەڭ- كەزەڭىمەن نە جاسالۋى كەرەكتىگى جان- جاقتى كورسەتىلگەن. الەم ءالى تالاي مارتە ەلباسىنىڭ ايتقان سوزدەرىنە ورالاتىن بولادى، ويتكەنى ونىڭ باسقاشا جولى جوق. پرەزيدەنت سوزىمەن قورىتار بولسام: «ХХІ عاسىردا الەمگە تىنىشتىق كەرەك» ، - دەپ ويىن جەتكىزدى پالاتا ديرەكتورى ع. جاقسىلىقوۆ.
اۆتور: ەلۋباي اۋەزوۆ
