ۋكراينا قىرىم باسشىسىن تۇتقىنداۋعا سانكسيا بەردى

استانا. قازاقپارات - كيەۆتىڭ پەچەر سوتى رەسەي تاراپىنان اننەكسيالانعان قىرىم باسشىسى سەرگەي اكسەنوۆتى «ارتەك» بالالار لاگەرىنىڭ مۇلكىن رەسەيگە بەرگەنى ءۇشىن قاماۋعا الۋ جونىندە شەشىم شىعاردى.

بۇل جونىندە ۋكراينانىڭ باس پروكۋراتۋراسىنىڭ رەسمي سايتىندا جاريالاندى.

وندا سونىمەن بىرگە «ارتەك» حالىقارالىق بالالار ورتالىعىنىڭ بارلىق مۇلكىنە دە تىيىم سالىنعاندىعى حابارلانعان. لاگەردىڭ رەسەيگە بەرۋدەگى جالپى زيانىن ۋكراينا 242 ميلليون گريۆەنگە (شامامەن 9 ميلليون 308 مىڭ ا ق ش دوللارى) باعالايدى.

2014-جىلى قىرىم اننەكسياسىنان كەيىن، رەسەي ۇكىمەتىنىڭ بۇيرىعىمەن «ارتەك» لاگەرىنىڭ اۋماعىندا قايتا جوندەۋ جۇمىستارى باستالعان. 2014-جىلدىڭ 16- ماۋسىمىنان باستاپ لاگەر حالىقارالىق بالالار ورتالىعى دەپ وزگەرتىلدى. ونىڭ قۇرىلتايشىسى رەسەيدىڭ ءبىلىم جانە عىلىم مينيسترلىگى دەپ بەكىتىلگەن.

2015-جىلدىڭ ناۋرىز ايىندا رەسەي ۇكىمەتى «ارتەكتى» 2020-جىلعا دەيىن دامىتۋ باعدارلاماسىن قابىلداعان.

centralasian.org