گيننەستىڭ رەكوردتار كىتابىنا ەنگەن قازاقستاندىقتار - فوتو
قازاقستان - اشىق تەڭىزگە شىقپايتىن الەمدەگى ەڭ ءىرى مەملەكەت
وڭتۇستىك پوليۋسكە ەڭ جىلدام جەتكەن قۇرلىق مارشرۋتى
2011-جىلى قازاق گەوگرافيالىق قوعامىنىڭ توبى ەكسپەديتسياعا اتتانىپ، كولىكپەن وڭتۇستىك پوليۋسكە قاراي 2308 شاقىرىم جەردى ءجۇرىپ ءوتتى. وعان 108 ساعات كەتكەن. بۇل جەتىستىكتى گيننەستىڭ رەكوردتار كىتابىنا وڭتۇستىك پوليۋسكە ەڭ جىلدام قۇرلىق مارشرۋتى رەتىندە ەنگىزگەن.
ەكسپەديتسياعا قاتىسۋشى، گەوگراف وردەنبەك مازبايەۆتىڭ ايتۋىنشا، توپ رەكورد ورناتۋدى كوزدەمەگەن. ولار پوليۋسكە عىلىمي زەرتتەۋ جۇرگىزۋ ماقساتىندا اتتانعان.
اەروبيكامەن جاپپاي اينالىسۋ
2003-جىلدىڭ 27- قىركۇيەگىندە 4 ميلليون 845 مىڭ 85 ادام ەلىمىزدىڭ ءار وڭىرىنەن ءبىر ساتتە بىردەي اۋەنگە جاتتىعۋ جاسادى.
الەمدەگى ەڭ بيىك شاتىر
استاناداعى «حان شاتىر» ويىن-ساۋىق ورتالىعى دا گيننەستىڭ رەكوردتار كىتابىنا ەندى. ونى الەمدەگى ەڭ بيىك شاتىر دەپ تانىعان.
اۋىر اتلەت مايا مانەزا
قازاقستاندىق اۋىر اتلەت مايا مانەزا 143 كەلىلىك زىلتەمىردى كوتەرىپ، جاڭا الەمدىك رەكورد ورناتقان. جەتىستىك 2010-جىلى تۇركيادا وتكەن چەمپيونات كەزىندە تىركەلگەن.
اۋىر اتلەت يليا يلين
قازاقستاندىق اۋىر اتلەت، وليمپيادانىڭ ەكى دۇركىن چەمپيونى يليا يلين 2012-جىلعى جازعى وليمپيادا ويىندارىندا جۇلقا كوتەرۋدەن 233 كەلىنى باعىندىرىپ، گيننەستىڭ رەكوردتار كىتابىنا ەندى.
يليننىڭ رەكوردىن ءالى كۇنگە دەيىن ەشكىم جاڭارتا الماعان. اتلەت 2015-جىلى وتكەن رەسەي پرەزيدەنتى كۋبوگىندا جاڭا رەكورد ورناتتى: جۇلقا كوتەرۋدەن 246 كەلى جانە قوس سايىس قورىتىندىسى بويىنشا 437 كەلىنى باعىندىردى.
مارافونشى مارات جىلانبايەۆ
50 جاستاعى قازاقستاندىق مارافونشى مارات جىلانبايەۆ - گيننەستىڭ رەكوردتار كىتابىنداعى جەتى رەت رەكوردتىڭ اۆتورى. 7 كۇنگە سوزىلعان مارافوندىق جۇگىرۋ كەزىندە ول ەۋروپاداعى ەڭ ۇلكەن تاۋ شىڭى - ەلبرۋسكە (5642 مەتر) شىققان.
مارات جىلانبايەۆ ەڭ ءىرى شولدەردە دە جۇگىرىپ وتكەن: 1992-جىلى 20 كۇن ىشىندە قاراقۇم شولىنەن (1200 شاقىرىم)، 1993-جىلى 24 كۇن ىشىندە ساحارا شولىنەن (1700 شاقىرىم)، سول جىلى 22 كۇن ىشىندە ۇكەن ۆيكتوريا شولىنەن (1600 شاقىرىم)، 1994-جىلى 17 كۇن ىشىندە موحاۆە شولىنەن (1218 شاقىرىم) جۇگىرىپ وتكەن.
ەڭ ۇلكەن قازى
قىتايداعى قازاقتار بولات بەينە ۇلى مەن گۇلزات ازانبەك قىزى ۇزىندىعى - 100 مەتر، سالماعى ءبىر توننا قازى ازىرلەپ، گيننەستىڭ رەكوردتار كىتابىنا ەندى.
بولات رەكوردتىڭ قىتاي اتىنان تىركەلگەنىنە قارسى بولعاندىقتان، جەتىستىك قازاق حالقىنىڭ مۇراسىنىڭ اتىنان جاريا ەتىلدى.
«كەڭەس» كۇيىن جاپپاي ورىنداۋ
2010-جىلى قىتايدا 10 مىڭ دومبىراشى قازاق حالىق كۇيى «كەڭەستى» ءبىر ۋاقىتتا ورىنداپ، رەكورد ورناتتى.
الەمدەگى ەڭ كىشكەنتاي دومبىرا
الەمدەگى ەڭ كىشكەنتاي دومبىرانى قازاق بولاتبەك كارىمحان ۇلى 2012-جىلى جاساپ شىعارعان. ونىڭ ۇزىندىعى - 45 م م، ەنى - 14 م م.
قۇرمانعازىنىڭ كۇيىن جاپپاي ورىنداۋ
2013-جىلى مىڭداعان مۋزىكانتتاردان قۇرىلعان اتىراۋ وركەسترى قۇرمانعازىنىڭ كۇيىن ءبىر ۋاقىتتا ورىنداپ، رەكورد ورناتتى.
«قارا جورعا» ءبيى
2012-جىلدىڭ 16- جەلتوقسانىندا استانادا تۇرعىندار جاپپاي «قارا جورعا» ءبيىن ورىنداپ، گيننەستىڭ رەكوردتار كىتابىنا ەندى.
300 كەلىلىك ەت
تاۋەلسىزدىك كۇنىنە وراي ازىرلەنگەن 300 كەلىلىك ەت تە اتالمىش كىتاپقا ەنگەن.
گيننەستىڭ رەكوردتار كىتابى - ادامدار، جانۋارلار جانە تابيعي قۇبىلىستاردىڭ رەكوردتىق جەتىستىكتەرىن تىركەيتىن كىتاپ.
