الماتىدا قوعامدىق كەڭەس قاڭعىباس يتتەر ماسەلەسىمەن اينالىسپاق

الماتى. قازاقپارات - الماتىدا قوعامدىق كەڭەس قالا تۇرعىندارى ءۇشىن اسا ماڭىزدى الەۋمەتتىك ماسەلەلەرمەن اينالىسپاق.

ونىڭ ىشىندە قاڭعىباس يتتەردى جويۋ ماسەلەسى ءبىرىنشى كەزەكتە تۇر.

مامانداردىڭ ايتۋىنشا، بۇل قالا تۇرعىندارىنىڭ قاۋىپسىزدىگى ءۇشىن ۇلكەن ماڭىزى بار ماسەلە.

جاقىندا «اقبۇلاق» شاعىن اۋدانىندا 3 جاستاعى قىز بالانى قاڭعىباس يتتەر تالاپ ولتىرگەن بولاتىن.

«بۇل ادام تۇرشىگەرلىك جاعداي. قالادا ماسەلە وتە وزەكتى. پرەزيديۋمدا اتالعان ءىس بويىنشا تىڭداۋ وتكىزەمىز. ءماسليحات بۇل پروبلەمانى ءبىر ەمەس، بىرنەشە رەت كوتەرگەن. بۇل سۇراقتى جوسپارعا ەنگىزدىك»، - دەدى قوعامدىق كەڭەستىڭ ءتوراعاسى، «تۇران» ۋنيۆەرسيتەتىنىڭ رەكتورى راحمان الشانوۆ.

ال قوعامدىق كەڭەس مۇشەسى، «التەرناتيۆا» مەدياتسيا ورتالىعىنىڭ پرەزيدەنتى اننا دانيلينانىڭ ايتۋىنشا جيىندا تەك يتتەردى اۋلاۋ عانا ەمەس، يتتەردى سەرۋەنگە شىعارۋ ەرەجەسىنە قاتىستى ماسەلەلەر دە تالقىلاناتىن بولدى.

اۆتور: گۇلميرا عوسمانالي