12:42, 14 - ءساۋىر 2016 | GMT +5
باتىس قازاقستاندىق پاراشيۋتشى رەسەيدە وتكەن جارىستا جەڭىمپاز اتاندى - فوتو
ورال. قازاقپارات - رەسەيدىڭ ساراتوۆ قالاسىنداعى «دۋبكي» اۋەجايىندا يۋ. گاگاريننىڭ عارىشقا ۇشۋىنا 55 جىل تولۋىنا ارنالعان پاراشيۋت سپورتىنان وتكىزىلگەن بۇكىل رەسەيلىك جارىسقا ب ق و قۇراماسى قاتىسىپ قايتتى.
پاراشيۋت سپورتىنان ب ق و قۇراماسىنىڭ اعا باپكەرى رايس سۇيىندىكوۆتىڭ حابارلاۋىنشا، اتالمىش جارىسقا باتىس قازاقستاندىقتاردان باسقا رەسەيدىڭ ۋليانوۆ، ساراتوۆ، ۆولگوگراد وبلىستارى مەن چۋۆاشيادان سپورتشىلار قاتىسىپ، جەرگە ءدال تۇسۋدەن باق سىنادى.
ب ق و قۇراماسى ساپىندا ەۆگەني كۋتافين، يليا كيتين، الەكسەي كوچەتكوۆ، ۆيولەتتا كۋحارەنكو، الەكساندرا لارينا ونەر كورسەتتى. توپتىق سەكىرۋدەن ەرلەر اراسىندا ب ق و قۇراماسى ءتورتىنشى ورىنعا تابان تىرەدى. ايەلدەر اراسىندا كوماندالىق ەسەپ جۇرگىزىلگەن جوق. جەكەلەي سىندا ايەلدەر اراسىندا الەكساندرا لارينا ءبىرىنشى ورىندى يەلەنىپ، جەڭىس جالاۋىن جەلبىرەتتى.
اۆتور: ەلجان ەرالى
