11:56, 14 - ءساۋىر 2016 | GMT +5
ەردوعان نازاربايەۆتى التىن تۇستەس سارايىندا قالاي قارسى الدى - فوتو
استانا. قازاقپارات - قازاقستان پرەزيدەنتى يسلام ىنتىماقتاستىعى ۇيىمىنىڭ باسقوسۋىنا قاتىسۋ ءۇشىن تۇركياعا ارنايى باردى.
بۇل تۋرالى ك ت ك ارناسى حابارلايدى.
ەردوعان مەن نازاربايەۆ تۇركيا پرەزيدەنتىنىڭ ساۋلەتىمەن تاڭقالدىراتىن ستامبۇلداعى رەزيدەنتسياسىندا كەزدەستى. التىن تۇستەس سارايدىڭ ىشىندە التىن تاققا وتىرعان قازاقستان مەن تۇركيا پرەزيدەنتتەرى ەكونوميكالىق بايلانىستى جانداندىرۋ جونىندە كەلىسسوز جۇرگىزدى.
سونداي-اق ەلباسى ستامبۋلدا يسلام ىنتىماقتاستىعى ۇيىمىنىڭ سامميتىنە قاتىسىپ، بايانداما جاسايدى دەپ كۇتىلۋدە. مۇسىلمان مەملەكەتتەرىنىڭ باستاماسىمەن قۇرىلعان ۇيىمعا 60 ەل مۇشە. سوڭعى ۋشىققان گەوساياسي جاعدايلارعا بايلانىستى، باس قوسۋدا ماڭىزدى مالىمدەمەلەر جاسالۋى مۇمكىن.
