ق ر پرەزيدەنتى جاڭا گۋمانيتارلىق الەمدىك ءتارتىپتىڭ باستاماشىسى - ازەربايجان ساراپشىسى
ق ر پرەزيدەنتى ن. نازاربايەۆ ۇسىنعان «الەم. XXI عاسىر» مانيفەستى جايلى ءسوز قوزعاعاندا، بەدەلدى ازەربايجاندىق ساراپشى يلگار ۆەليزادە وسىلاي مالىمدەدى.
ي. ۆەليزادەنىڭ ايتۋىنشا، قازاقستان تۇرمىسى جوعارى جانە ەكونوميكاسى دامىعان ەلدەر قاتارىنا كىرۋ ءۇشىن ستراتەگيالىق ماقساتپەن العا سەنىمدى جىلجىپ كەلە جاتقان ەل.
«الەم. XXI عاسىر» مانيفەسىندە ايتىلعان الەمدىك قاۋىمداستىققا ۇندەۋىندە قازاقستان پرەزيدەنتى نۇرسۇلتان نازاربايەۆ قاۋىپسىزدىكتىڭ زاماناۋي ساۋلەتىنىڭ نەگىزىنە جاتاتىن حالىقارالىق قۇقىقتىڭ نەگىزىن قالايتىن قاعيداتتارعا بەي-جاي قاراۋعا جول بەرمەۋگە نازار اۋدارادى.
«جاھاندىق بەيبىتشىلىك تۋرالى ايتا كەلە، ن. نازاربايەۆ بارلىق ۇلت وكىلدەرى مەن مەملەكەتتەردىڭ قاتىسۋىمەن جاھاندىق ديالوگ قۇرۋعا شاقىردى. بۇل وسى ديالوگتىڭ دامۋ كەپىلى جانە ونىڭ باستامالارىنىڭ ويداعىداي ىسكە اسۋى بولار ەدى. مۇنداي ساياساتتىڭ نەگىزىندە ۇزدىك گۋمانيتارلىق يدەيالاردى ىسكە اسىرۋ جاتىر. سونداي-اق اۆتوردىڭ سوزىمەن ايتقاندا، ءبىز XXI عاسىردا بولاشاق ۇرپاقتىڭ تاعدىرىنا بەي-جاي قاراماي ءومىر ءسۇرۋىمىز كەرەك»، - دەپ تۇيىندەدى ساراپشى.
