تيمۋر قۇلىبايەۆ ازيا وليمپيادالىق كەڭەسىنىڭ ۆيتسە-پرەزيدەنتى بولىپ تاعايىندالدى
بۇل تۋرالى ق ر ۇ و ك باسپا ءسوز قىزمەتى حابارلادى.
ونىڭ كانديداتۋراسىن ۇيىمنىڭ پرەزيدەنتى شەيح احماد ءال-فاحاد ءال-ساباح، ازيا وليمپيادالىق كەڭەسىنىڭ اتقارۋشى كوميتەتىنىڭ مۇشەلەرى ءبىراۋىزدان بەكىتتى.
«ورتالىق ازيا ايماعى - وليمپيادا قوزعالىسىن دامىتۋ، حالىقارالىق سپورت جارىستارىن وتكىزۋ باعىتىندا ەرەكشە اسا ماڭىزعا يە. ەلىمىزدىڭ مۇددەسىنە ازيا وليمپيادالىق كەڭەسىندە وكىلدىك ەتۋ مەن ءۇشىن ابىروي. بۇل قازاقستاننىڭ ەڭبەگىن حالىقارالىق سپورت قاۋىمداستىعىنىڭ باعالاۋى جانە سەنىم ءبىلدىرۋى. ول قازاقستاندىق پەن ازيا ەلدەرى سپورت ۇيىمدارى اراسىنداعى ىنتىماقتاستىقتى بۇدان ارى قاراي نىعايتا تۇسەدى»، - دەپ اتاپ ءوتتى تيمۋر قۇلىبايەۆ.
ازيانىڭ وليمپيادالىق كەڭەسى - حالىقارالىق وليمپيادا كوميتەتى تانىعان بەس ۇلتتىق وليمپيادالىق كوميتەتتەردىڭ قۇرلىقتىق قاۋىمداستىعىنىڭ ءبىرى. ازيا ەلدەرىندەگى وليمپيادا قوزعالىسىن باسقارۋشى ورگان قازىرگى ۋاقىتتا 45 مەملەكەتتىڭ باسىن قوسادى.
ۇيىم ا و ك مۇشە ەلدەرىنىڭ وليمپيادا قوزعالىستارىن باسقارادى جانە ۇيلەستىرەدى. تۇراقتى تۇردە قىسقى جانە جازعى ازيا ويىندارىن وتكىزەدى.
