اقىلىنا كوركى ساي قازاقستاندىق سپورتشى قىزدار

استانا. قازاقپارات - اقىلىنا كوركى ساي دەمەكشى، بۇل بويجەتكەندەردىڭ بويىندا سۇلۋلىق پەن زەرەكتىك ءوزارا ۇيلەسىم تاپقان.

تۇلا بويى ءمىنسىز، ال سپورتقا دەگەن قۇشتارلىعى مەن سۇيىسپەنشىلىگى شەكسىز.

قازاقستاندىق ۆولەيبولشى ءسابينا التىنبەكوۆا كۇتپەگەن جەردەن تانىمالدىلىققا قول جەتكىزدى. تايبەيدە 17 رەت وتكەن جاسوسپىرىمدەر اراسىنداعى ازيا چەمپيوناتىندا ونى جارىستىڭ ەڭ سۇلۋ بويجەتكەنى دەپ اتادى. بويى 182 سم بولاتىن سپورتشىنىڭ اياق ولشەمى - 124 سم. انيمە فيلمدەردىڭ كەيىپكەرىنە ۇقسايتىن ءسابينا التىنبەكوۆا تۋرالى قىتاي، تايۆان مەن جاپونيا جۋرناليستەرى جارىسىپ ماقالا جازعان- دى.

زارينا دياس

قازاقستاندىق كاسىبي تەننيسشى زارينا ايەلدەر اراسىندا بەس رەت قاتارىنان ITF ءتۋرنيرىنىڭ جەڭىمپازى اتاندى. ITF - بەدەلى جاعىنان ايەلدەر اراسىنداعى تەننيستە ەكىنشى ورىندا تۇراتىن سايىس. زارينا دياس 2008 -جىلى العاش رەت Australian Open انالوگىندا جەڭىمپاز اتانعان. التى جىلدان كەيىن ارمانىنا قول جەتكىزىپ، ەرەسەكتەر اراسىنداعى كاسىبي بايقاۋعا وتەدى. Australian Open جارىسىندا سپورتشى قاتارىنان بەس ماتچتى جەڭىپ، ءۇشىنشى راۋندقا جولداما العان- دى. اتالعان جارىستا رەسەيلىك سپورتشى مارينا شاراپوۆامەن باق سىناعان.

 









ۆالەريا تسوي

25 جاستاعى وسكەمەن قالاسىنىڭ تۋماسى سپورتشىلار وتباسىندا دۇنيەگە كەلگەن. اناسى - گيمناست، ال اكەسى - تاۋ شاڭعىسى سپورتىنىڭ شەبەرى. ۆالەريانى سنوۋبورد سپورتىنا اكەسى باۋلىعان. سپورتشى ءوزىنىڭ ومىرىندەگى العاشقى سايىسىن 2006 -جىلى ەۋروپا مەن گەرمانيا كۋبوگىندا وتكىزگەن. قارجى جەتكىلىكسىزدىگى سالدارىنان ۆانكۋۆەردە وتكەن وليمپياداعا قاتىسا الماسا دا، 2014 -جىلى سوچيگە بارعان بولاتىن. ۆالەريا 2018 -جىلى كورەيادا وتەتىن سايىسقا قىزۋ دايىندالىپ ءجۇر.

نازىم قىزايباي

جاسوسپىرىمدەر اراسىنداعى سايىستىڭ قولا جۇلدەگەرى نازىم قىزايباي بوكستان الەم چەمپيونى اتانعان- دى. قىتايدا ءۇشىنشى ورىن العان بويجەتكەن، كورەيادا وتكەن چەمپيوناتتا التىنعا قول جەتكىزەدى. نازىمنىڭ وتباسىندا التى بالا بار، ءدال قازىر ىلە اۋدانى جەتىگەن اۋىلىندا تۇرىپ جاتىر. سپورتشى ءوزىنىڭ تالانتىنىڭ ارقاسىندا الماتىلىق كلۋب جاتتىقتىرۋشىسىنىڭ كوزىنە ءتۇسىپ، ۇلكەن سپورتقا جولداما العان. ءدال قازىر نازىم 2016 -جىلى وتەتىن برازيليا وليمپياداسىنا دايىندالىپ ءجۇر.

 

 ەلميرا ايعاليەۆا

1992 -جىلى تاراز قالاسىندا دۇنيەگە كەلگەن. ەلميرا ىشكى جارىستاردا ۇزدىك ناتيجە كورسەتىپ، قازاقستان جاسوسپىرىمدەر كومانداسىنا قابىلدانادى. كوماندا قۇرامىندا ءجۇرىپ ايعالييەۆا ازيا چەمپيونى اتانعان بولاتىن.

 

زارينا سولويەۆا

سپورتشى بويجەتكەن اقمولا وبلىسى جاقسى كەنتىندە دۇنيەگە كەلگەن. جاستايىنان سپورتپەن شۇعىلدانعان. ۆولەيبول سپورتىمەن ءتورت جىل قاتارىنان اينالىسىپ، الەم چەمپيونى اتانعان. 16 جاسىنان باستاپ كاسىبي بوكسپەن اينالىسا باستاعان زارينا 2011, 2014 -جىلدارى الەم چەمپيوناتىنا قاتىستى. 2014 -جىلى فينالدا ول وليمپيادا ويىنشىسى سايدا حاسەنوۆانى جەڭگەن بولاتىن. جەلى قولدانۋشىلارى زارينا سولويەۆانى تانىمال اكتريسا اندجەلينا دجوليگە ۇقساتقان.

 

Stan.kz