09:09, 14 - ءساۋىر 2016 | GMT +5
اۋىر دەرتكە شالدىققان بويجەتكەن ءومىرىنىڭ سوڭعى كۇندەرىن ساياحات جاساۋعا ارنادى - فوتو
استانا. قازاقپارات - ءبىر ايدا تاپ بولعان بىرنەشە ساتسىزدىك پەن دەنساۋلىق پروبلەمالارى بار امەريكا ازاماتشاسى مەگان سالليۆان الەمنىڭ جەتى كەرەمەتىن 13 كۇندە بارىپ كورۋدى شەشتى.
دارىگەرلەر وعان تەرى وبىرى دياگنوزىن قويعان. وسىدان كەيىن بويجەتكەن ومىردە نەگە ۇلگەرگىسى كەلەتىنى تۋرالى قاتتى ويلاندى. جۇمىس بەرۋشىسىنەن 13 كۇندىك دەمالىس العان مەگان وسى ۋاقىتتىڭ ىشىندە الەمنىڭ جەتى كەرەمەتىن ءوز كوزىمەن كورۋگە بەل بۋدى.
بويجەتكەن باعدارىن جوسپارلاعاندا، ءار قالادا 2 كۇننەن توقتاعان. مەگان بۇل ساياحاتقا تانىسقانىنا نەبارى ەكى اپتا بولعان كريس ماكنامارا ەسىمدى جىگىتىمەن اتتاندى.
مەگان ءوز ساياحاتىنىڭ فوتوسۋرەتتەرىن Instagram-عا سالدى. ءاربىر فوتودا بويجەتكەن ساۋساقتارىنىڭ كومەگىمەن ءاربىر كەرەمەت جەردىڭ ءنومىرىن كورسەتكەن.
