پاۆلودار وبلىسىندا الەمدەگى ەڭ باعالى انتراتسيت كومىرى شىعارىلادى
بۇل جونىندە بۇگىن ايماق باسشىسى بولات باقاۋوۆقا ماي اۋدانىنا جاساعان جۇمىس ساپارىندا «ديرەكت» ج ش س- نىڭ باسشىسى بەكبولات ابگۋجين ءمالىم ەتتى.
«ەلىمىزدە ءدال بىزدىكى ءتارىزدى كاسىپورىن جوق دەسە بولادى. سەبەبى مۇندا كومىردىڭ 90 پايىزدان استامى شاحتالىق تاسىلمەن الىنادى. وسىعان دەيىن كۇنىنە ءتورت ۆاگون كومىر شىعارىپ جۇرسەك، الداعى ۋاقىتتا بۇل كورسەتكىشتى 15 ۆاگونعا دەيىن جەتكىزۋدى جوسپارلاپ وتىرمىز. سونداي-اق جۇمىس ورنى 70 تەن 350 گە دەيىن ارتادى. جۇمىسكەرلەردىڭ 70 پايىزى ماي اۋدانىنىڭ تۇرعىندارى بولادى. نەمىس جانە نورۆەگيالىق تەحنيكامەن سەكۋندىنا 600 تاس رەنتگنەن ساۋلەسىنەن وتەدى. بۇعان دەيىن دە الماس تاستارىنا ءدال وسى ءادىس قولدانىلدى» - دەپ اتاپ ءوتتى ب. ابگۋجين.
سەرىكتەستىك باسشىسىنىڭ ايتۋىنشا، ءبىر توننا بايىتىلعان كومىر 15 مىڭ تەڭگەدەن ساتىلۋدا. ال، دونباسستا مۇنداي كومىر 70 دوللاردان ساۋداعا قويىلادى.
«بىزدە وندىرىلەتىن قۇنارلىعى بەس مىڭ توننا كومىر جانعان كەزدە جاعىمسىز ءتۇتىنىڭ ءيىسى تارالمايدى. سوندىقتان دا باعاسى قىمبات. مىسالى، ەكىباستۇزدىق كومىردىڭ اۋاعا ۇشىپ كەتۋ قاسيەتى 24 پايىز بولسا، مايكوبە مەن سارىكول كومىرى 45 پايىزدى قۇرايدى. ال، ءبىزدىڭ ءونىمنىڭ مۇنداي قاسيەتى بار جوعى سەگىز- توعىز پايىز عانا. باستى ارتىقشىلىعى - وسىندا»، - دەدى بەكبولات ابگۋجين. ەستەرىڭىزگە سالا كەتسەك، «ديرەكت» ج ش س ەلدى مەكەنى 2028 -جىلعا دەيىن پايدالانىلادى. بايىتىلعان كومىر قىرعىزستان، وزبەكستان مەن ۋكراينا نارىعىنا شىعارىلۋدا.
