اتىشۋلى كانادالىق باۋكەسپە اجە قايتا تۇتقىندالدى
بۇل تۋرالى BBC ورىس قىزمەتى حابارلايدى.
مەليسسا ەنن شەپارد كۇيەۋىن ۋلاعانى ءۇشىن 3 جىل تۇرمەگە وتىرىپ، ناۋرىز ايىندا بوساپ شىققان ەدى. ونى بوستاندىققا شىعارسا دا سەنىم بىلدىرمەگەن بيلىك، اجەيگە ينتەرنەتتى ءجيى قولدانۋعا تىيىم سالىپ، كوممەندانتتىق ساعاتقا باعىنىپ، تاعى دا وزگە بىرەۋمەن سەزىم جاراستىرسا ول تۋرالى پوليتسياعا حابارلاۋعا مىندەتتەگەن.
شەپارد دۇيسەنبى كۇنى حاليفاكس قالاسىنداعى كىتاپحانادا تۇتقىنعا الىندى. ول سول جەردە كىتاپحانا كومپيۋتەرى ارقىلى ينتەرنەت قولدانۋعا تىرىسقان. ول العاش رەت ەكىنشى كۇيەۋىن ۋلاپ، ۇستىنەن كولىكپەن باسىپ وتكەنى ءۇشىن 1992 -جىلى سوتتالعان. ونىڭ ءۇشىنشى كۇيەۋى 2002 -جىلى تويدان سوڭ قايتىس بولعان. 2005 -جىلى شەپاردقا ينتەرنەت ارقىلى تانىسقان فلوريدالىق ەر ادامنىڭ اقشاسىن ۇرلادى دەپ ايىپ تاعىلىپ، 5 جىل تۇرمەگە جابىلعان. 2013 -جىلى 75 جاستاعى ءتورتىنشى كۇيەۋى فرەد ۋيكستى ۋلادى دەپ جاۋاپقا تارتىلدى. الايدا فرەد امان قالعان.
Stan.kz
