التى جاسار بالانى ۇرلاپ، ەلدى دۇرلىكتىرگەن كەيۋانا ءوز ارەكەتىن ءتۇسىندىردى
60 جاستاعى كەيۋانا بالانى كىشكەنتايلارعا دەگەن سۇيىسپەنشىلىگىنە بولا ۇرلاعانىن ايتقان.
«ول بالالاردى كورسە، وزىنە يە بولا الماي، ەرتىپ الىپ كەتكىسى تۇراتىنىن ايتتى. ياعني ول بىرەۋدىڭ بالاسىن وزىنىكى ەتپەك بولعان. ودان ارتىق ەشتەڭە ايتا المادى» ، - دەيدى ءى ءى د تەرگەۋ باسقارماسىنىڭ وكىلى.
بۇگىندە ايەلگە سوت- پسيحولوگيالىق ساراپتاما تاعايىندالدى.
«ءبىزدىڭ وبلىستىق ساراپتاما قويىلعان سۇراقتارعا ناقتى جاۋاپ تابا المادى. ولار كەيۋانانى الماتىدا ستاتسيونارلى ەم قابىلداپ، تەكسەرىستەن وتۋگە جىبەردى. سودان كەيىن ماماندار ونىڭ اقىل- ەسى دۇرىستىعى تۋرالى ناقتى ايتا الاتىن بولادى. ونى 28 - ناۋرىز كۇنى تەرگەۋ وقشاۋلاعىشىنان الماتىعا الىپ باردى، بۇگىندە ول قاماۋدا وتىر. ەگەر ودان پسيحيكالىق اۋىتقۋشىلىق بايقالسا، كۇشتەپ ەمدەلەتىن بولادى» ، - دەيدى تەرگەۋ باسقارماسىندا.
ەسكە سالساق، 6 جاسار بالاقاي اعىمداعى جىلدىڭ 20 اقپانىندا جوعالىپ كەتكەن بولاتىن. ارتىنشا، بالا تابىلىپ، ونى ۇرلادى دەگەن كۇدىكپەن 60 جاستاعى كەيۋانا ۇستالعان.
ال زەينەتكەردىڭ جاقىندارى بولسا، ايەلدىڭ دۋاگەر ەكەنىنە سەندىرۋگە تىرىسۋدا.
