قاراعاندى وبلىسىنىڭ اكىمى ءۇي جالداپ تۇرادى

قاراعاندى. قازاقپارات - بۇرىن اقتوبەدە جۇمىس ىستەگەن قاراعاندى وبلىسىنىڭ قازىرگى اكىمى نۇرمۇحامبەت ابدىبەكوۆ قاراعاندى قالاسىندا ءۇي جالداپ تۇرادى.

بۇل تۋرالى اكىم ايماقتىق ورتالىق كوممۋنيكاتسيالار قىزمەتىنىڭ بريفينگىسىندە قازاقپارات ءتىلشىسىنىڭ سۇراعىنا جاۋاپ بەرە وتىرىپ، ءمالىم ەتكەن.

«ءوز ءۇيىم جوق. قاراعاندىدا ءۇي جالداپ تۇرامىن»، - دەگەن قاراعاندى وبلىسىنىڭ اكىمى سۇراققا جاۋاپ بەرە وتىرىپ. سۇراق نەگىزىنەن «100 ناقتى قادام» ۇلت جوسپارىنىڭ 8-قادامىنا، ياعني، مەملەكەتتىك قىزمەتكەرلەرگە بەرىلەتىن قىزمەتتىك باسپانالارعا قاتىستى بولعان ەدى.

«وكىنىشكە وراي، وبلىس بويىنشا قىزمەتتىك باسپانا بەرىلمەيدى. كوپتەگەن قىزمەتكەرلەر باسپانانى جالداپ تۇرادى. مىسالى، وزگە وڭىرلەردەن كەلگەن قۇقىق قورعاۋشىلار دا جالدامالى پاتەردە تۇرادى. ەگەر قىزمەتتىك باسپانا بەرسە، قۋانار ەدىك، ءبىراق، ازىرگە جوق»، - دەدى اكىم سۇراقتىڭ جاۋابىن تولىقتىرا كەلە.

اكىم ەسكە سالىپ وتكەندەي، مەملەكەتتىك قىزمەتكەرلەرگە بەرىلەتىن ءۇي بيۋدجەت اياسىندا قاراستىرىلۋ كەرەك. «قىزمەتتىك ۇيلەردىڭ ءوزى وتە قاراپايىم بولادى. كادىمگى ءۇي. وندا تۇرعان ادام ءىشى-سىرتىنىڭ كەرەك جەرىن جوندەيمىز دەسە ءوز ەركى. بۇرىن مەملەكەتتىك قىزمەتكەر ءۇيىن جەكەشەلەندىرىپ الاتىن ەدى. ءبىراق، باسپانا وزىنەن ءوزى پايدا بولمايدى. بيىل بولىنەتىن قارجى اياسىندا مەملەكەتتىك قىزمەتكەرلەرگە بولماسا 20 پاتەردى ءبىراق، جەكەشەلەندىرۋگە كەلمەيتىن پاتەرلەردى سالۋعا تىرىسامىز»، - دەدى وبلىس اكىمى.

اۆتور: كەنجەكەي توقتامۇرات قىزى