حالىقارالىق بايقاۋعا اسكەري ۇشقىشتاردى ىرىكتەۋ باستالدى - فوتو
بۇل تۋرالى قورعانىس مينيسترلىگىنىڭ باسپا ءسوز قىزمەتى حابارلايدى.
بۇگىنگى تاڭدا «قىزىلاعاش» جانە «قازاقستان» اۆياتسيالىق پوليگوندارىندا اسكەري- اۋە كۇشتەرىنىڭ ۇشقىشتارى اراسىندا ىرىكتەۋ كەزەڭى وتكىزىلۋدە. «قازاقستان رەسپۋبليكاسىنان «اۆيادارتس-2016» بايقاۋىنا سۋ-27 جانە ميگ-29 جويعىشتارىنىڭ، سۋ-25 شابۋىلداعىشىنىڭ، سونداي- اق مي-8 جانە مي-17 كولىكتىك- جاۋىنگەرلىك تىكۇشاقتارىنىڭ ەكيپاجدارى قاتىسادى. بايقاۋعا ۇشقىشتان (ەكيپاج كومانديرىنەن) باستاپ بۋىن (جاساق) كومانديرىنە دەيىنگى لاۋازىمدارداعى، بىلىكتىلىك دارەجەسى 3-سىنىپتان تومەن ەمەس جاس ۇشقىشتار عانا قاتىساتىن بولادى.
ۇشقىشتارىمىز بۇل تارتىستى دوداعا 2015 -جىلى العاش رەت قاتىسىپ، جالپىكوماندالىق ەكىنشى ورىندى يەلەنىپ، جاقسى ناتيجە كورسەتتى. وسى جىلى دا ۇشقىشتارىمىز جوعارى ناتيجە كورسەتەدى دەپ ويلايمىن»، - دەيدى ءا ءا ك- ءنىڭ قولباسشىسى، اۆياتسيا گەنەرال- مايورى داۋرەن قوسانوۆ.
ءاربىر كوماندا وزدەرىنىڭ اۋە كەمەلەرىندە ونەر كورسەتەدى. ەكەۋى - نەگىزگى (جۇپ) جانە بىرەۋى رەزەرۆتىك. بايقاۋدى وتكىزۋ باعدارلاماسى ءۇش كەزەڭدى قامتيدى. باعدار بويىنشا ۇشۋ، كوزبەن شولىپ اۋە بارلاۋىن جۇرگىزۋ، پيلوتاجداۋ تەحنيكاسى؛ جەرءۇستى نىسانا بويىنشا جاۋىنگەرلىك قولدانۋ، سونداي- اق ءۇشىنشى كەزەڭ - سپورتتىق. بايقاۋعا دايىندالۋ جانە ونى وتكىزۋ جونىندەگى جالپى جەتەكشىلىككە الۋدى رەسەي فەدەراتسياسى اۋە- عارىشتىق كۇشتەرىنىڭ باس قولباسشىلىعى جۇزەگە اسىرادى. ءدۇبىرلى دودا 2016 -جىلعى شىلدەنىڭ 26-ى مەن تامىزدىڭ 12- ءى ارالىعىندا ۇشۋ قۇرامىن جاۋىنگەرلىك دايارلاۋ جانە جاتتىقتىرۋدىڭ 43- ورتالىعى (ريازان ق. ) جانە «دۋبروۆيچي» اۆياتسيالىق پوليگونىنىڭ (ريازان ق. ) بازالارىندا وتكىزىلەدى.
