استانادا اۆياتسيالىق تەحنيكانى جوندەۋ جانە تەحنيكالىق قىزمەت كورسەتۋ ورتالىعى سالىندى - فوتو
«ەلىمىز ءۇشىن بۇل وتاندىق ءوندىرۋشى، ينجەنەرلەرىمىز تۇرعىزعان ماڭىزدى نىسان. قۇرىلىستىڭ اياقتالۋى جاقىنداپ قالدى. قۇرىلىس- مونتاجداۋ جۇمىستارى 97 پايىزعا ورىندالدى. ءبىز بارلىق ىنتا- جىگەرىمىزدى سالۋدامىز جانە جوسپار بويىنشا اياقتايمىز دەپ ويلايمىن»، - دەدى «قازاقستاندىق اۆياتسيالىق يندۋستريا» ج ش س- نىڭ قۇرىلىس جونىندەگى باس ديرەكتورىنىڭ ورىنباسارى سىرىمبەت ءسادۋاقاسوۆ.
ورتالىقتىڭ العاشقى كورسەتىلىمى «KADEX-2016» حالىقارالىق قارۋ- جاراق پەن اسكەري- تەحنيكالىق مۇلىك كورمەسىندە ۇسىنىلادى. بولاشاقتا ورتالىق اۋە كەمەلەرىنە تەحنيكالىق قىزمەت كورسەتۋ بويىنشا اناعۇرلىم كەڭىنەن قامتۋدى جوسپارلار وتىر.
«ول جەردە ان جانە س-295 تيپىندەگى اسكەري ۇشاقتارعا تەحنيكالىق قىزمەت كورسەتۋ جۇرگىزىلەدى. ءارى قاراي الەۋەتتى قۇرىلىمداردىڭ ۇشاقتارىن قابىلداپ الۋدى جوسپارلاۋدامىز»، - دەدى «قازاقستاندىق اۆياتسيالىق يندۋستريا» ج ش س كولىكتىك اۆياتسياسى اۋە كەمەلەرىنىڭ ءبولىم باستىعى قايىرجان قۇشانبايەۆ.
ورتالىقتىڭ باسشىلىعى ءوز كادرلارىن دايىنداۋعا ۇلكەن ءمان بەرەتىنىن ايتا كەتەيىك. ول ءۇشىن ماماندار توبى يسپانياداعى «Airbus Millitary» وقۋ ورتالىعىنا، ەكىنشى توپ ۋكرايناداعى «انتونوۆ» مەملەكەتتىك كاسىپورنىنا، ال 3-توپ يزرايلگە تەحنيكالىق قىزمەت كورسەتۋ جانە جوندەۋ بويىنشا مەڭگەرۋ جانە تاجىريبە جيناقتاۋ ءۇشىن وقۋعا اتتانادى. ورتالىقتىڭ قۇرىلىسىمەن «قاز ينجينيرينگ» ۇ ك» ا ق- تىڭ ەنشىلەس كاسىپورنى «قازاقستاندىق اۆياتسيالىق يندۋستريا» ج ش س اينالىسادى.
اۆياتسيالىق ورتالىقتىڭ جالپى قۇرىلىسىنىڭ اۋدانى 62660 شارشى مەتردى قۇرايدى. بۇگىندە ول ق ر قارۋلى كۇشتەرىنىڭ مۇددەسىندە عانا مۇمكىندىكتەردى ىسكە اسىرىپ قويماي، سونىمەن بىرگە وڭىرلىك دەڭگەيگە شىعۋعا مۇمكىندىك بەرەتىن بىردەن- ءبىر ورتالىق، دەپ حابارلايدى ق ر ق م باسپا ءسوز قىزمەتى.
