موڭعوليادا شوپان كيىزگە ورالعان ادامنىڭ مۋمياسىن تاۋىپ الدى - فوتو

استانا. قازاقپارات - موڭعوليانىڭ التاي تاۋلارى ماڭىنداعى قوبدا قالاسىندا ءبىر شوپاننىڭ حابارلاۋىمەن ءبىر ايەلگە تيەسىلى دەپ بولجانعان مۋميا تابىلدى دەپ حابارلايدى ihsan.kz.

تۇركى تەكتەس ءبىر ادامنىڭ دەنەسى دەپ بولجانىپ وتىرعان مۋميا شامامەن 1500 جىلدىق ەكەنى انىقتالىپ وتىر. جانىندا ساداق بولماعانى ءۇشىن مۋميانى ايەل دەپ وتىرعان زەرتتەۋشىلەر قابىردەن بۇدان باسقا قۇربان بولىپ قوسا كومىلگەن جىلقى، سونداي-اق، ات ابزەلدەرى، ياعني ەرتوقىم، جۇگەن تىزگىنىمەن، قىشتان قۇيىلعان ىدىس، اعاش كەسە، تەمىر قازان، «ءدۇۇل» دەپ اتالعان 4 موڭعولداردىڭ ۇلتتىق كيىمى، جاستىقتار، ءبىر قويدىڭ باسى، كيىز قورجىن، ەشكى سۇيەكتەرى، سونداي-اق ءبىر دوربا شىققان. دوربا مەن قورجىن وتە جاقسى ساقتالعان ەكەن.

مۋميا كيىزگە وراۋلى بولعان. ارحەولوگتار كيىزگە ورالعان مۇردەسى بار مازارلار تۇركى حالىقتارىنا قاتىستى ەكەنىن ايتىپ وتىر.