ۇلتتىق كومپانيالارعا كاسىبي بىلىكتى ماماندار تارتۋ تەتىگى ىسكە قوسىلدى
بۇل تۋرالى «اتامەكەن» ۇلتتىق كاسىپكەرلەر پالاتاسىنىڭ باسپا ءسوز قىزمەتىنەن حابارلاندى.
«سامۇرىق-قازىنا» ۇلتتىق ءال-اۋقات قورىنىڭ ەرەجەسىنە سايكەس، تاۋەلسىز كونسۋلتانتتى جانە باعالاۋ قىزمەتىن ۇسىنۋشىنى تاڭداۋ ءتارتىبى ايقىندالعان بولاتىن. وسىعان وراي، قازىرگى كۇنى الەۋەتتى قاتىسۋشىلاردان باعاعا قاتىستى ۇسىنىستار مەن سۇرانىمدار قابىلداۋ پروتسەسى جۇرگىزىلۋدە.
ەرەجەلەرگە سايكەس، تاۋەلسىز كونسۋلتانتتاردى انىقتاۋ جونىندەگى كونكۋرسقا وتاندىق قارجى نارىعىنىڭ وكىلدەرى دە قاتىسا الادى. وعان قاتىسۋ ءۇشىن ۇلتتىق كومپانيانىڭ نىساندارىن باسەكەلەستىك ورتاعا ساتۋ بويىنشا باعاعا قاتىستى ۇسىنىستار جاساپ، سونىمەن قاتار، كومپانيانىڭ قىزمەتىنە شاعىن شولۋلار ۇسىنۋ قاجەت. كوممەرتسيالىق ۇسىنىستار تىكەلەي ۇلتتىق كومپانيالارعا جولدانادى.
«قازىرگى تاڭدا ەكونوميكانى جاڭعىرتۋ جونىندەگى مەملەكەتتىك كوميسسيا شەشىمىمەن قارجى مينيسترلىگى مەملەكەتتىك كىرىس جانە جەكەشەلەندىرۋ كوميتەتىنىڭ جانىنان، «سامۇرىق-قازىنا» ۇ ءا ق»، «بايتەرەك» ۇ ب ح، «قازاگرو» حولدينگى جانىنان جوبالىق كەڭسەلەر اشىلىپ، ونىڭ جۇمىسىنا حالىقارالىق كونسۋلتانتتار، حالىقارالىق قارجى ينستيتۋتتارىنىڭ ساراپشىلارى، قازاقستان قور بيرجاسىنىڭ وكىلدەرى تارتىلعان. ونداعى جۇمىس توپتارىن قۇرۋداعى ماقسات - جەكەشەلەندىرىلەتىن نىساندار تۋرالى ونىڭ شارتتارىن، پاكەت اكتسيالارىنىڭ مولشەرىن، ساتۋ مەرزىمدەرىن قامتىعان ۇسىنىمدار ازىرلەۋ» - دەلىنگەن باسپا ءسوز بايانىندا.
