تۇركيادا جارىلعىش زات تيەلگەن كولىك جارىلىپ كەتتى

استانا. قازاقپارات - تۇركيا بيلىگى ەلدىڭ وڭتۇستىك-شىعىسىندا جارىلعىش زات تيەلگەن كولىك پوليتسيا بەكەتىنە كەلىپ سوقتىعىسىپ، جارىلىپ، بىرنەشە ادام جارالانعانىن حابارلادى.

مەملەكەتتىك تەلەارنالار شابۋىلدى كۇرد جاساقتارى جاسادى دەپ حابارلاپ جاتىر.

بۇل تۋرالى ازاتتىق جازادى.

مەملەكەتتىك Anadolu اگەنتتىگىنىڭ مالىمەتىنشە، ەلدە تىيىم سالىنعان كۇردىستان ەۇمىسشى پارتياسىمەن بايلانىستى «تەرروريستەر» شابۋىلدى ديارباكىر ايماعىنداعى حاني قالاسىندا جاساعان. جارالانعاندار اسكەري اۋرۋحاناعا جەتكىزىلگەن.

Reuters اگەنتتىگىنىڭ قاۋىپسىزدىك كۇشتەرىندەگى اتى-ءجونىن اتاماعان دەرەككوزىنە سىلتەمە جاساپ حابارلاۋىنشا، جارىلىستان ءبىر سارباز قازا تاۋىپ، 20 ادام جارالانعان.

تۇركيانىڭ وڭتۇستىك-شىعىسىندا شابۋىل مەن زورلىق-زومبىلىق وتكەن جىلدىڭ شىلدەسىندە، تۇركيا بيلىگى مەن كۇرد جاساقتارى اراسىنداعى ءالسىز ءبىتىم بۇزىلعان سوڭ كوبەيگەن.

تۇركيا اسكەريلەرى كۇردىستان جۇمىسشى پارتياسىمەن بايلانىستى جاساقتارعا قارسى وپەراتسيانى كۇشەيتكەن. رەسمي انكارا كۇردىستان جۇمىسشى پارتياسىن «تەرروريستىك ۇيىم» سانايدى.