گولوۆكين مەن ۋەيد جەكپە-جەگىن «قازاقستان» تەلەارناسى تىكەلەي ەفيردە كورسەتەدى
كەزدەسۋ ا ق ش- تىڭ لوس-اندجەلەس قالاسىنداعى «فورۋم» ارەناسىندا وتەدى.
جەكپە-جەكتى 24- ساۋىردە 07:20 دان باستاپ «قازاقستان» ۇلتتىق تەلەارناسى مەن kaztrk.kz سايتى تىكەلەي ەفيردە كورسەتەدى.
گەنناديدىڭ وسىعان دەيىن اۆستراليالىق دەنيەل گيل، مەكسيكالىق ماركو انتونيو رۋبيو، امەريكالىق ۆيللي مونرو II مەن ستيۆەن كەرتيس جانە كانادالىق داۆيد لەمە سەكىلدى مىقتى بوكسشىلارمەن جۇدىرىقتاسىپ، جەڭىسكە جەتكەنىن ايتا كەتكەن ءجون.
امەريكالىق بوكسشى دومينيك ۋەيد وسىعان دەيىن 18 كەزدەسۋ وتكىزىپ، بارلىعىن جەڭىسپەن اياقتاعان. سونىمەن قاتار، 12 كەزدەسۋىندە قارسىلاستارىن مەرزىمىنەن بۇرىن ۇتقان. ول سوڭعى كەزدەسۋىن بىلتىر 26 ماۋسىمدا اۆستراليالىق بوكسشى سەم سوليمانعا قارسى وتكىزىپ، جەڭىسكە جەتكەن.
ەسكە سالا كەتەيىك، گەننادي گولوۆكين سوڭعى جەكپە-جەگىن 2015-جىلدىڭ 18- قازانى كۇنى كانادالىق داۆيد لەمەگە قارسى وتكىزىپ، 8-راۋندتا نوكاۋتپەن ۇتقان.
لەمەگە قارسى ۇرىس گولوۆكين ءۇشىن ەرەكشە ماڭىزعا يە. سەبەبى، جەكپە-جەكتى HBO تەلەارناسى اقىلى تۇردە Pay-Per-View جۇيەسىمەن كورسەتىپ، 150 مىڭنان استام ابونەمەنتتى ساتقان بولاتىن. بۇل ا ق ش جەرىندە جەكپە-جەك وتكىزگەن شەتەلدىڭ ازاماتى ءۇشىن جوعارى كورسەتكىش سانالادى.
ال وتانداستارى ءۇشىن گولوۆكين- لەمە جەكپە-جەگى ناعىز سپورتتىق مەرەكە بولدى. 3,5 ميلليون قازاقستاندىق جانكۇيەر دەمالىس كۇنى ەكەنىنە قاراماستان بۇل جەكپە-جەكتى «قازاقستان» ۇلتتىق تەلەارناسىنان تاماشالاعان. بۇل رەكتوردتىق كورسەتكىش! سونداي-اق، وسى كەزدەسۋدى 1 ميلليون كورەرمەن تەلەارنانىڭ رەسمي www.kaztrk.kz سايتىنان كورگەن. ال، جەكپە-جەكتىڭ قايتالاۋىن 1,5 ميلليوننان اسا جانكۇيەر تاماشالاعان.
24- ساۋىردە «قازاقستان» تەلەارناسى ساعات 15:00 جانە 19:00-دە گولوۆكيننىڭ ۋەيدكە قارسى جەكپە-جەگىن قايتالاپ كورسەتەدى. ال «Kazsport» تەلەارناسى مەن kazsporttv.kz سايتى 24- ساۋىردە 23:15 تە، 25- ساۋىردە ساعات 09:00 دە، 22:00 دە جانە 1- مامىردا ساعات 23:00 دە جەكپە-جەكتى قايتالاپ كورسەتەدى.
