التاي تاۋىنان كونە تۇركى تايپاسىنا تيەسىلى مۋميا تابىلدى - فوتو

  استانا. قازاقپارات - ارحەولوگتار موڭعولياعا قاراستى التاي تاۋىنىڭ 2 مىڭ 800 مەتر بيىك شىڭدارىنىڭ بىرىنەن VI عاسىردا جەرلەنگەن مۋميا تاپتى، بۇل تۋرالى بريتاندىق «Daily mail» باسىلىمى حابارلادى.

عالىمداردىڭ پايىمداۋىنشا مۋميا كونە تۇركى تايپاسىنا تيەسىلى . مۋميامەن قاتار جىلقى، ەرتوقىم، ارقان، اعاش ىدىستار، قازان جانە تەرىدەن تىگىلگەن كيىمدەر تابىلعان، بۇل جادىگەرلەرگە نەگىزدەلە وتىرىپ، ءمايىت يەسىنىڭ ءوز كەزىندە جوعارى تاپتىڭ وكىلى بولعانىن اڭعارۋ قيىن ەمەس. « ءبىز مۋميانى ايەل زاتى دەپ توپشىلادىق، سەبەبى بۇل جەردەن ساداق تاپپادىق» دەيدى ارحەولوگ ساقباتىر (B. Sukhbaatar) . وسىدان 1500  جىل بۇرىن جەرلەنگەن مۋميا مەن جادىگەرلەردىڭ ۇزاق ۋاقىت ساقتالۋىنىڭ سەبەبىن ماماندار كليماتتىڭ قولايلى جاعىدايىمەن بايلانىستىرادى.

 

 اۆتورى: تالاپ مەرەي
baq.kz