10:33, 12 - ءساۋىر 2016 | GMT +5
برازيليادا دوڭىز تۇماۋىنان جۇزدەن استام ادام قازا تاپتى
استانا. قازاقپارات - 2015 -جىلى رەسپۋبليكادا بۇل اۋرۋدان 36 ادام قازا تاپتى.
H1N1 ۆيرۋسىنان ولىمگە اكەپ سوققان جاعدايلاردىڭ باسىم بولىگى سان-پاۋلۋ شتاتىندا تىركەلدى. وندا اسقىنۋ سالدارىنان 70 ادام كوز جۇمدى.
گوياس، سانتا- كاتارينا، بايا جانە تاعى دا برازيليانىڭ جەتى وڭىرىندە بىرنەشە جاعداي تىركەلدى.
دەنساۋلىق ساقتاۋ مينيسترلىگىنىڭ حابارلاۋىنشا، H1N1 ۆيرۋسىنا بايلانىستى اۋىر رەسپيراتورلىق سيندروم 686 ادامدا انىقتالعان. بۇل وتكەن جىلمەن سالىستىرعاندا، 76 پايىزعا كوپ، دياگنوز 141 ادامدا راستالدى.
قالىپتاسقان كۇردەلى جاعدايعا بايلانىستى سان-پاۋلۋ بيلىگى دوڭىز تۇماۋىنا قارسى ەگۋدى جەدەلدەتۋ تۋرالى شەشىم قابىلدادى.
