ماس كۇيىندە كولىك جۇرگىزگەن جۇرگىزۋشىلەر ءمايىتحانادا جۇمىس ىستەۋمەن جازالانادى

استانا. قازاقپارات - ماس كۇيىندە بولاتىن جول- كولىك وقيعاسىمەن كۇرەسۋ ءۇشىن تايلاند زاڭ بۇزۋشىلاردى ماستىقپەن كولىك ايداۋ نەگە اكەپ سوعاتىنىن ءوز كوزدەرىمەن كورۋى ءۇشىن ءمايىتحانادا جۇمىس ىستەۋمەن جازالايدى، دەپ حابارلادى Associated Press.

اسىرەسە، جول-كولىك وقيعاسى ساۋىردەگى تايلىق جاڭا جىل اتاپ وتىلەتىن سونگكران ۋاقىتىندا ءجيى ورىن الادى. جەتى كۇن مەرەكەدە ءار ساعات سايىن تايلاند جولدارىندا ستاتيستيكا بويىنشا 2,3 ادام قازا تابادى.

«جول ەرەجەسىن بۇزعان جۇرگىزۋشىلەر سوتتا ايىپتى دەپ تانىلىپ، ءمايىتحاناعا، اۋرۋحاناعا جۇمىس ىستەۋگە جىبەرىلەدى»، - دەپ مالىمدەدى پوليتسيادان.

پوليتسيادا زاڭ بۇزۋشىلار «ءتاننىڭ دە، جاننىڭ دا جاراقاتىن» كورۋى ءتيىس ەكەنىن اتاپ ءوتتى. ولار ءمايىتحانانى تازالاپ، مۇردەلەردى تاسۋ جۇمىستارىنا تارتىلادى.