الەمدەگى ەڭ ۇزىن جىلان مالايزيادان تابىلدى

استانا. قازاقپارات - مالايزيادا قۇرىلىس الاڭىنداعى جۇمىسشىلار الەمدەگى ەڭ ۇزىن جىلاندى ۇستاپ الدى. الىپ پيتوندى جۇمىسشىلار قۇرىلىس الاڭىنىڭ قاق ورتاسىنان تاپقان.

جىلاننىڭ ول جەردە قالاي تاپ بولعانى بەلگىسىز، دەپ جازادى 24.kz.

ونى ۇستاۋ قيىنعا سوقتى. بىرنەشە ەر ادام الدىمەن ونىڭ اۋزىن بايلاپ، ارقانمەن بۋىندىرىپ، ارەڭ دەگەندە قولعا تۇسىرگەن ەكەن. سالماعى 250 كەلىگە جۋىق، ال ۇزىندىعى 8 مەتر بولىپ شىقتى. مۇنداي ولشەمدەرىمەن پيتون تۇتقىندا ءومىر ءسۇرىپ جاتقان ەڭ ۇزىن جىلان رەتىندە گيننەستىڭ رەكوردتار كىتابىنا ەنە الادى. بۇعان دەيىن بۇل نوميناتسيا چەمپيونى ميسسۋري شاتىندا تۇراتىن مەدۋزا پيتونى بولعان ەدى. ونىڭ سالماعى 158, ۇزىندىعى 7 مەتر 67 سانتيمەتر.