قىرعىزستان پرەمەر- ءمينيسترى وتستاۆكاعا كەتۋگە ءوتىنىش ءبىلدىردى

استانا. قازاقپارات - قىرعىزستان پرەمەر- ءمينيسترى تەمىر سارييەۆ وتستاۆكاعا كەتۋگە ءوتىنىش ءبىلدىردى. بۇل تۋرالى ول دۇيسەنبىدە مينيسترلەر كابينەتىنىڭ كەزەكتەن تىس وتىرىسى ۋاقىتىندا مالىمدەدى،

 دەپ حابارلادى ت ا س س.

«ۇكىمەت قابىلداعان بارلىق شارالار زاڭدى، مەملەكەت مۇددەسىنە جاۋاپ بەرەدى»، - دەپ اتاپ ءوتتى ول.

ونىڭ ايتۋىنشا، بىشكەك- كورۋمدۋ جولىنا قاتىستى تەندەر بويىنشا دەپۋتاتتىق كوميسسيا وتىرىسى جابىق تۇردە ءوتتى جانە ول شىعارعان شەشىم «ءادىل ەمەس» بولىپ تابىلادى. «مەن ەشقاشان ارتقا شەگىنبەيمىن، بۇل مەنىڭ بولمىسىما ءتان ەمەس. جۇمىسىمنان كەتۋگە ءازىرمىن، ءبىراق ادال جۇمىس ىستەپ، لاس ساياسي ويىندارعا قاتىسپاعانىمدى، ەشۋاقىتتا بۇلاي جاسامايتىنىمدى اياعىنا دەيىن دالەلدەيمىن. مەن ءۇشىن مەملەكەت مۇددەسى بارىنەن جوعارى، بۇل قاعيداتتان ەش ۋاقىتتا اينىمايمىن جانە دالەلسىز ايىپتاردى ىسپەن تەرىسكە شىعارۋعا ءازىرمىن»، - دەپ اتاپ ءوتتى ساريەۆ.

 تيمۋر ساريەۆ ساياساتتا قالۋعا نيەتتى. «مەن ساياساتتا قالامىن. الدا جوسپارلار جانە ولاردى ىسكە اسىرۋعا بايلانىستى جۇمىستار كوپ. قازىر ەلدىڭ بارلىق ۇدەمەلى كۇشى تەك قانا العا قاراۋى ءتيىس»، - دەدى ول. ونىڭ ايتۋىنشا، ساريەۆتىڭ جۇمىستان كەتۋگە شەشىم قابىلداۋىنا مينيسترلەر كابينەتى اينالاسىندا قالىپتاسقان «اشىقتان- اشىق جالعان جانە ساياسي ويىن» سەبەپ بولعان.