02:12, 12 - ءساۋىر 2016 | GMT +5
استانادا اسىق اتۋدان وقۋشىلار اراسىندا اشىق تۋرنير وتەدى
استانا. قازاقپارات - قازاقستان رەسپۋبليكاسى ۇلتتىق مۋزەيىندە بۇگىن استانا قالاسىنىڭ مەكتەپ وقۋشىلارى اراسىندا اسىق اتۋدان اشىق تۋرنير وتەدى،
دەپ حابارلايدى ۇلتتىق مۋزەيدىڭ اقپاراتتىق- يميدجدىك قىزمەتى.
ەل تاۋەلسىزدىگىنىڭ 25 جىلدىعىنا ارنالعان ءىس- شارانىڭ باستى ماقساتى - جاس ۇرپاق اراسىندا قازاق حالقىنىڭ ۇلتتىق ويىن تۇرلەرىن ناسيحاتتاۋ، بالالاردى ەپتىلىككە، مەرگەندىككە، ۇقىپتىلىققا، سەرگەكتىككە باۋلۋ.
تۋرنيردى «اسىق اتۋ» فەدەراتسياسىمەن بىرگە ۇلتتىق مۋزەيدىڭ مۋزەي پەداگوگيكاسى جانە بالالار شىعارماشىلىعى ءبولىمىنىڭ ەستەتيكالىق تاربيە بەرۋ سەكتورى ۇيىمداستىرادى.
اۆتور: مارلان جيەمباي
