الماتى تۇرعىنى اعىلشىن ءتىلىن تەگىن ۇيرەتەدى

تەگىن ساباق بەرسە دە، ازامات جالداپ وتىرعان كەڭسەسىنىڭ اقىسىن جاباتىن قاراجات كوزىن دە شەبەر تاپقان. ناقتىراق ايتساق، ول ساباقتان قالىپ، ءۇي تاپسىرماسىن ورىنداماعان تۇرعىندارعا ايىپپۇل سالۋ ارقىلى بار شىعىندى وتەپ وتىرادى.

«تەگىن» دەگەن ءسوز ادامدارعا كەرەمەت اسەر ەتەدى. مەنىڭ ۇيالى تەلەفونىم قوڭىراۋلاردان تىنىم تاپپايدى. جالقاۋلىق - ادامنىڭ ەڭ ءبىرىنشى جاۋى، سول سەبەپتى ماعان تابىس تۇراقتى تۇردە ءتۇسىپ تۇرادى"، - دەپ كۇلدى عانيبەك.

ەر ادام ويلاپ تاپقان ايلاسىمەن ءبولىستى.

"مەنىڭ وقۋشىلارىم جازباشا تۇردە بارلىق ءۇي تاپسىرماسىن ورىنداپ، ساباققا ۋاقىتىلى كەلۋگە جانە ءدارىستى جىبەرمەۋگە مىندەتتەلەدى. ەگەر بۇل مىندەتتەرىن ورىنداماسا، 2000 تەڭگەدەن 4000 تەڭگەگە دەيىن ايىپپۇل تولەيدى"، - دەپ ءتۇسىندىردى عانيبەك.

جانۇزاقوۆ وقۋشىلارىنىڭ ايىپپۇلدى ەش رەنجىمەستەن تولەپ وتىراتىنىن العا تارتتى.

"مەن وقۋشىلارىمنىڭ ساباققا دايىندالماي كەلەتىنىنە قۋانبايمىن. كەرىسىنشە، ولاردىڭ تىرىسىپ جاتقانىن كورسەم، قۋانامىن. مەندە بىردە ءبىر رەت ايىپپۇل تولەمەگەن وقۋشىلار بار. ولاردى قاتتى قۇرمەتتەيمىن. ءوز ىسىمنەن حوببي رەتىندە ءلاززات الامىن. اقىلى توپتارىم دا بار، سول سەبەپتى ومىرىمە قاراجات جەتكىلىكتى"، - دەيدى ۇستاز.

4-5-ايعا سوزىلاتىن كۋرسقا 17 جاستان 60 جاسقا دەيىنگى تۇرعىندار جازىلۋدا. عانيبەك جانۇزاقوۆ بىرنەشە جىل شەتەلدە تۇرعان - ا ق ش- تا، كانادادا، بولگاريادا ورىس جانە قازاق تىلىنەن ۇستاز بولىپ قىزمەت ەتكەن.

اننا گونچاروۆانىڭ ماتەريالىنان اۋدارىلدى.