12:41, 11 - ءساۋىر 2016 | GMT +5
جارتاسقا شىعىپ قىزىنا ۇسىنىس جاساپ، قايتادان جەرگە تۇسە الماي قالعان جىگىت قۇتقارىلدى - كەسكىن
استانا. قازاقپارات - كاليفورنيانىڭ 27 جاستاعى تۇرعىنى مايكل بەنكس مورو جارتاسىنا شىعىپ، ۇستىنەن سۇيىكتى قىزىنا ۇسىنىس جاساماق بولعان.
باستاپقىدا بارلىعى جوسپارعا ساي جۇرگەن: جارتاسقا شىعىپ، ۆيدەو سەلفي قولدانباسى ارقىلى سۇيىكتىسىمەن بايلانىسقا شىعادى، ول كەلىسىمىن بەرەدى.
قۇزدان تۇسپەك بولعان جىگىتتىڭ جاعدايى قيىندايدى. جارتاستىڭ ورتا تۇسىندا جەتىپ، ءبىر كەتىككە اياعىن تىرەپ تۇرادى. ودان ءارى تۇسە الماي قالادى.
كەيىن ول جەرگە قۇتقارۋشىلار كەلىپ، تاۋدا قالىپ قويعان ادامدى الىپ تۇسۋگە تىكۇشاق شاقىرتىلادى.
مايكل بەنكستى قۇتقارىلدى. ءبىراق ءتارتىپ ساقشىلارى وعان تىكۇشاقتى پايدالانعانى ءۇشىن اقشا تولەۋدى مىندەتتەدى. سونىمەن قاتار، قورعالاتىن جارتاسقا رۇقساتسىز شىققانى ءۇشىن ايىپپۇل سالدى.
دەگەنمەن وقيعا مۇنىمەن بىتپەدى. از ۋاقىت وتكەن سوڭ ونى پوليتسيا ەسىرتكى پايدالانعانى ءۇشىن قاماۋعا الدى. ال ونىڭ ۋادە بەرگەن قىزى كۇيەۋگە شىعۋدان باس تارتىپ جاتىر، دەپ جازادى PhoneArena.
