09:34, 11 - ءساۋىر 2016 | GMT +5
قازاقستاننىڭ جوعارعى سوتىنىڭ وكىلدەرى بەيجىڭگە بارادى
استانا. قازاقپارات -11-12 -ساۋىردە قايرات ءمامي باستاعان جوعارعى سوت دەلەگاتسياسى قىتايعا (بەيجىڭ) بارادى، دەپ حابارلادى ۆەدومستۆونىڭ باسپا ءسوز قىزمەتىنەن.
ساپار بارىسىندا ق ح ر جوعارعى حالىقتىق سوتىنىڭ توراعاسىمەن كەزدەسۋ جوسپارلانعان. سونىمەن قاتار، قازاقستاندىق دەلەگاتسيا مەملەكەتتىك سۋديالار اكادەمياسىنا بارماق.
قازاقستاندىق دەلەگاتسيا قۇرامىنا جوعارعى سوت سۋدياسى ماديار بالكەن، اقمولا وبلىستىق سوتىنىڭ ءتوراعاسى نۇرعازى ءابدىقانوۆ، باتىس قازاقستان وبلىستىق سوتىنىڭ ءتوراعاسى بەك امەتوۆ جانە جوعارعى سوت جانىنداعى سوتتاردىڭ قىزمەتىن قامتاماسىز ەتۋ دەپارتامەنتى باسشىسىنىڭ ورىنباسارى ءاسيا قاسەنوۆا كىردى.
