10:10, 11 - ءساۋىر 2016 | GMT +5
ناگاساكي مەرى ا ق ش پرەزيدەنتىن اتوم بومباسىنان زارداپ شەككەن قالالاردى كورۋگە شاقىردى
استانا. قازاقپارات - جاپونيانىڭ ناگاساكي قالاسىنىڭ مەرى توميحيسا تاۋە ا ق ش پرەزيدەنتى باراك وبامانى ەكىنشى دۇنيەجۇزىلىك سوعىستان كەيىن امەريكالىق اتوم بومبالارىنان زارداپ شەككەن حيروسيما، ناگاساكي قالالارىنا شاقىردى، دەپ حابارلادى russian.rt.com.
شاقىرتۋىن ول بۇگىن جاپونيادا «G7» ەلدەرى سىرتقى ىستەر مينيسترلەرى كەلىسسوزدەرىنىڭ سالتاناتتى اشىلۋىندا ا ق ش ەلشلىگىنىڭ وكىلى ارقىلى بەرگەن.
«ا ق ش كوشباسشىسىنىڭ اتوم بومباسىنان زارداپ شەككەن قالالاردى كورگەنى - ماڭىزدى»، دەلىنگەن «ت ا س س» كەلتىرگەن حابارلامادا.
ناگاساكي مەرى باراك وباما اتالعان قالالارعا الداعى مامىر ايىندا جاپونيادا وتەتىن «ۇلكەن جەتىلىك» ەلدەرىنىڭ سامميتى قارساڭىندا كەلەتىنىنە ءۇمىتتى ەكەنىن جەتكىزدى.
ا ق ش مەملەكەتتىك حاتشىسى دجون كەرري ەرتەڭ تاريحتا ءبىرىنشى رەت حيروسيماداعى الەم پاركى مەموريالىنا بارادى دەپ جوسپارلانعان.
