ءا. ساليەۆا: ءبىز ءۇشىن ەڭ باستىسى - بەيبىتشىلىك پەن قاۋىپسىزدىك
ايەلدەر ءاردايىم ءوزىنىڭ وتباسى، شاڭىراعىمەن قاتار ۇرپاعىنىڭ بولاشاعىن، ەلدىڭ تىنىشتىعىن ويلايدى. سوندىقتان ءبىز ءۇشىن ەڭ باستىسى - بەيبىتشىلىك پەن قاۋىپسىزدىك. بۇل تۋرالى ب ق و ازاماتتىق اليانسىنىڭ باسشىسى، ورال قالالىق ءماسليحاتىنىڭ دەپۋتاتى ءاليا ساليەۆا ءمالىم ەتتى.
ونىڭ ايتۋىنشا، ەلباسى الەمدە قايشىلىقتار كوبەيىپ، سوعىس پەن سودىرلىق قاۋپى تونگەن كەزدە تاعى دا ءوزىنىڭ كورەگەندىگىن كورسەتە ءبىلدى.
«ءبىز «الەم. ХХІ عاسىر» مانيفەسىنە ۇلكەن ءۇمىت ارتا وتىرىپ، سوعىس پەن يادرولىق قاۋىپ-قاتەردى جويۋ جولىندا حالىقارالىق قاۋىمداستىق ورتاق مامىلەگە كەلىپ، جالپىعا بىردەي ءىس-قيمىل باعدارلاماسىن جاساي ما دەپ ويلايمىز. قازاقستان حالقى قازىرگى كەزدە داعدارىس قيىندىقتارىن ەڭسەرۋ جولىندا ەلباسىنىڭ «100 ناقتى قادام» ۇلت جوسپارىنا سايكەس تىنباي ەڭبەكتەنۋدە.
ۇزاق مەرزىمدى «قازاقستان-2050» ستراتەگياسى دا بەلگىلەنگەنى ءمالىم. دەگەنمەن، بارلىق جوسپار تەك بەيبىتشىلىك پەن تۇراقتىلىق جاعدايىندا عانا ورىندالادى. سول سەبەپتى قازاقستان پرەزيدەنتىنىڭ ۆاشينگتونداعى سامميتتە ادامزات كەلەشەگى ءۇشىن دۇنيە ءجۇزى ەلدەرىن كەلىسىمگە كەلۋگە شاقىرۋى - وتە وزەكتى. ەلباسىمىزدىڭ بۇل باستاماسىن الەمدىك قاۋىمداستىق باعالايتىنىنا سەنىمدىمىن. الەم تىنىشتىعىن بارشا حالىق پەن ساياساتكەرلەر قازىر ساقتاپ قالا السا، بۇل ءۇشىن كەيىنگى ۇرپاق مىڭ العىس ايتارى حاق»، - دەدى ءا. ساليەۆا.
اۆتور: ەلجان ەرالى
