مالايزيانىڭ ءبىرقاتار اۋداندارىندا تابيعات اپاتىنا بايلانىستى مەكتەپتەر جابىلدى

استانا. قازاقپارات - مالايزيانىڭ ءبىلىم مينيسترلىگى دۇيسەنبى كۇنى ەلدەگى اپتاپ ىستىققا بايلانىستى ءبىرقاتار اۋداندارداعى مەكتەپتەردە ساباق وتكىزبەۋ جونىندە شەشىم قابىلدادى. پەرليس پەن پاحانگ شتاتتارىندا اۋا تەمپەراتۋراسى 72 ساعات ىشىندە 37 گرادۋستان جوعارىلاپ كەتكەن.

رەسەيلىك تاسس اگەنتتىگىنىڭ حابارلاۋىنشا، ءبىلىم مينيسترلىگى ەلدەگى 259 مەكتەپتىڭ جۇمىسىن توقتاتقان، وندا 100 مىڭنان استام بالا ءبىلىم الادى. الايدا مەكتەپتەردىڭ ۇستازدار قاۋىمى جۇمىسىن توقتاتپايدى.

ەلدە ىستىققا بايلانىستى ورتا ءبىلىم بەرۋ مەكەمەلەرىنىڭ جۇمىسىن بۇرىندا توقتاتىپ كەلگەن.

سينوپتيكتار ەلدەگى اپتاپ ىستىق كوپتەگەن وڭىرلەردە ايدىڭ سوڭىنا شەيىن ساقتالادى دەپ بولجاپ وتىر. ولار: «نوسەر جاۋىندار اۋا تەمپەراتۋراسىن تومەندەتۋ ءتيىس، الايدا بۇل جاۋىن-شاشىن مامىر ايىنىڭ باسىندا كۇتىلۋدە»، دەپ مالىمدەگەن.