ەلىمىزدەگى ءۇش وبلىستىڭ جولدارىندا كولىك قوزعالىسى شەكتەلدى

استانا. قازاقپارات - قاردىڭ ەرىپ، قارعىن سۋدىڭ باسۋى سالدارىنان ەلىمىزدىڭ ءۇش وڭىرىندەگى رەسپۋبليكالىق جانە وبلىستىق جولدارى جابىق.

بۇل تۋرالى ق ر ءى ءى م ت ج ك- نىڭ باسپا ءسوز قىزمەتى حابارلادى.

اقتوبە وبلىسىندا جەردىڭ قاتتى ىلعالدانۋىنا بايلانىستى رەسپۋبليكالىق مانىزى بار «قاندىاعاش- ەمبى- شالقار- ىرعىز» جولىنىڭ 200-220 شاقىرىمى ارالىعىندا بارلىق اۆتوكولىك تۇرلەرىنە قوزعالىس توقتاتىلدى.

سولتۇستىك قازاقستان وبلىسىندا قارعىن سۋدىڭ جايىلۋىنا بايلانىستى وبلىستىق «روشينسكوە- كورنەيەۆكا- ۆولوشينكا» جولىنىڭ 0-48 شاقىرىمى ارالىعىندا بارلىق اۆتوكولىك تۇرلەرىنىڭ قوزعالىسى توقتاتىلدى.

قوستاناي وبلىسىندا قارعىن سۋدىڭ تاسۋىنا بايلانىستى رەسپۋبليكالىق «ەكاتەرينبور- الماتى» جولىنىڭ 686-729 شاقىرىمى سارىكول اۋلىنان س ق و شەكاراسىنا دەيىنگى ارالىعىندا بارلىق اۆتوكولىك تۇرلەرىنە قوزعالىس شەكتەلدى.