02:24, 11 - ءساۋىر 2016 | GMT +5
ۇلى بريتانيا پرەمەر- ءمينيسترى ءوز تابىسىن حالىققا جاريالادى
استانا. قازاقپارات - ۇلى بريتانيا پرەمەر- ءمينيسترى دەۆيد كەمەرون ءوزىنىڭ بۇكىل تابىسى جايلى ەسەپتى حالىق الدىندا جايىپ سالدى.
ول مۇنداي قادامعا اكەسى يەن كەمەروننان قالعان وففشورلىق كومپانيا ارقىلى تابىس تاۋىپ، زاڭ بۇزباعانىن دالەلدەۋ ءۇشىن بارعان.
مينيسترلەر كابينەتىنىڭ باسشىسى بۇرىن ول كومپانيادا قۇندى قاعازدارىنىڭ بولعانىن، الايدا ولاردى پرەمەر- مينيستر قىزمەتىنە كەلەردەن بۇرىن ساتىپ جىبەرگەنىن ايتىپ اقتالدى. سەبەبى بۇعان دەيىن پرەمەر رەزيدەنسياسىنىڭ الدىنا جينالعان حالىق كەمەروندى زاڭسىز قارجى اينالىمىن جاسادى دەپ ايىپتاپ، ورنىنان كەتۋىن تالاپ ەتكەن بولاتىن. بريتانيالىقتاردىڭ بۇلاي كوتەرىلۋىنە جۋرناليستەردىڭ «پانامالىق قۇجاتتار» اتتى زەرتتەۋى اسەر ەتكەن. ايتا كەتكەن ءجون، بۇعان دەيىن «پانامالىق قۇجاتتار» توڭىرەگىندەگى داۋ يسلانديا پرەمەر- ءمينيسترىنىڭ قىزمەتتەن كەتۋىنە سەبەپ بولعان ەدى.
www.24.kz
