15:54, 10 - ءساۋىر 2016 | GMT +5
عالىمدار وقتى جويىپ جىبەرەتىن ساۋىت جاسادى
استانا. قازاقپارات - امەريكا عالىمدارى اتىلعان وقتى توقتاتىپ قانا قويماي، ونى شاڭعا اينالدىرىپ جويىپ جىبەرە الاتىن ماتەريالدى ويلاپ شىعاردى.
قالىڭدىعى 25 م م مەتالداندىرىلعان كومپوزيتتىك كوپىرشىككە ۇقساس بۇل ماتەريالدى وق وتپەيتىن ساۋىتقا پايدالانۋعا بولادى.
ماتەريالدى ناتو- نىڭ بولاتتى تەسىپ وتەتىن وقتارىمەن اتىپ سىناپ كوردى. ۆيدەو روليكتە كورىنىپ تۇرعانداي، يننوۆاتسيالىق تاقتاعا تيگەن وق ءبولىنىپ، ۇساقتالىپ قالادى. سولتۇستىك كارولينا شتاتى ۋنيۆەرسيتەتىنىڭ زەرتتەۋشىلەرىنىڭ ايتۋىنشا، جاڭا ماتەريال بىرنەشە قاباتتان تۇرادى. كوپىرشىكتىڭ وزىنەن باسقا، ونىڭ قۇرامىنا كۇيىكتاس پەن كيەۆلار كىرەدى.
جاڭا ماتەريال وق وتپەيتىن كەۋدەشەلەردى جاساۋدان بولەك، عارىش سالاسىندا جانە يادرولىق قالدىقتاردى تاسىمالداۋ ءۇشىن پايدالانۋعا بولادى، سەبەبى ول رەنتگەن ساۋلەسىن، گامما جانە نەيترون ساۋلەلەرىن وتكىزبەيدى.
