دۋبايدا جاعاجايعا قوقىس تاستايتىنداردى دروندار قاداعالايدى
دەپ جازادى Gulf News.
دۋبايدىڭ قالدىقتاردى باسقارۋ دەپارتامەنتى ەكسپەريمەنت اياسىندا ۇشقىشسىز باسقارىلاتىن ءبىر دروندى ساتىپ الدى. شەنەۋنىكتەردىڭ ايتۋىنشا، ونى پايدالانۋ ءتيىمدى بولىپ شىعىپ، وڭ ناتيجەلەرىن بەرىپ جاتىر. دەپارتامەنت جاعاجايلار مەن شولدەردىڭ جاعدايىن ينسپەكتسيالاۋ ءۇشىن تاعى ەكى دروندى ساتىپ الماقشى.
باستاپقىدا ۇشقىشسىز باسقارىلاتىن قۇرال ءال- قۇسايىس، جەبەل- ءالي جانە ءال- ۆارسان اۋداندارىنداعى قوقىس توگۋ ورىندارىن قاداعالاۋى ءتيىس ەدى. ەرەجەلەرگە سايكەس، وندا ۇيىلگەن قوقىستىڭ بيىكتىگى 30 مەترگە جەتەدى، ال ولاردى ينسپەكتورلار وندا جەتە المايدى. ۇشقىشسىز باسقارىلاتىن اپپارات ولاردى جاعىمسىز جۇمىستان بوساتىپ، ۋاقىتتارىن ۇنەمدەيدى.
دۋبايدا قالدىقتاردى باسقارۋ دەپارتامەنتىنىڭ ديرەكتورى ابدۋل ءماجيد ءال سايفايەنىڭ ايتۋىنشا، دروندار جاعاجايلار مەن دەمالىس ورىندارىن، ءشول دالانى لاستاپ وتىرعان ادامداردى، سونداي- اق جۇك كولىكتەرىنەن قالدىقتاردى زاڭسىز توگىلۋىن قاداعالايدى. ۇشقىشسىز باسقارىلاتىن قۇرالدار قالانىڭ ءتۇرلى اۋداندارىندا ۇشىپ، ءتارتىپ بۇزۋشىلاردى جوعارى بيىكتىكتەن سۋرەتكە تۇسىرەدى.
ب ا ءا- دا درونداردىڭ جۇمىسى زاڭ جۇزىندە 2015 -جىلدىڭ ءساۋىر ايىنان باستاپ رەتتەلۋدە. تاسپالارى بار درونداردى تۇرعىن اۋدانداردا پايدالانۋعا تىيىم سالىنعان. ۇشۋ 122 مەتردەن اسپايتىن بيىكتىكتە، قولايلى كۇن رايى جاعدايىندا رۇقسات ەتىلگەن.
