پوليتسەيلەر دەمالۋشىلارعا قىزىل كىتاپقا ەنگەن قىزعالداقتاردى جۇلۋعا بولمايتىنىن ەسكەرتتى
وبلىستىق ءى ءى د جەرگىلىكتى پوليتسيا قىزمەتىنىڭ حابارلاۋىنشا، بايدىبەك اۋدانى بوگەن وزەنىنىڭ بويىنان زاڭسىز قۇم- تاس قازىپ جاتقان 2 جۇك ارتۋ تەحنيكاسى جانە ماركاسى «كاماز» جۇك كولىگى انىقتالىپ، تەحنيكالار اقىلى ايىپ تۇراققا جەتكىزىلدى.
ال تابيعاتتى زاڭسىز پايدالانعان 1989, 1974 جانە 1971 -جىلعى بايدىبەك جانە سايرام اۋدانى تۇرعىنداردىڭ ۇستىنەن ق ر ق ك- ءنىڭ «جەر قويناۋىن ءوز بەتىنشە پايدالانۋ» 334-بابى بويىنشا قىلمىستىق ءىس قوزعالدى. سوتقا دەيىنگى تەرگەۋ امالدارى جۇرگىزىلۋدە.
سونىمەن قاتار، سول كۇنى جەرگىلىكتى پوليتسەيلەرمەن بايدىبەك اۋدانىنىڭ اۋماعىندا سيرەك كەزدەسەتىن جانە تەز ازايىپ، قۇرىپ كەتۋ قاۋپى تونگەن وسىمدىكتەر ساناتىندا ق ر- نىڭ قىزىل كىتابىنا ەنگىزىلگەن «گرەيگ» جانە «كاۋفمان» قىزعالداقتارىن زاڭسىز جۇلۋدىڭ جولىن كەسۋ ماقساتىندا الدىن- الۋ ءىس- شارالارى جۇرگىزىلدى.
قۋانتاتىن جاعداي، ءىس- شارا بارىسىندا ەشقانداي زاڭبۇزۋشىلىق، ياعني «گرەيگ» جانە «كاۋفمان» قىزعالداقتارىن جۇلۋ، ساتۋ دەرەكتەرى انىقتالمادى.
ال، تابيعات اياسىندا دەمالىپ جۇرگەن ازاماتتارعا ءتارتىپ ساقشىلارى قىزعالدىقتاردىڭ قىزىل كىتاپقا ەنگىزىلگەنى، ەرەكشە قورعالاتىن وسىمدىكتەر قاتارىنا جاتاتىندىعى جانە جۇلۋعا نەمەسە ولارعا قاتىستى باسقا دا زاڭسىز ءىس- ارەكەتتەر جاساۋ زاڭمەن بەلگىلەنگەن قىلمىستىق جاۋاپكەرشىلىككە اكەپ سوقتىراتىندىعى تۋرالى ءتۇسىندىرۋ جۇمىستارىن جۇرگىزدى. سونداي- اق، ءتارتىپ ساقشىلارى دايىنداعان ەسكەرتپە پاراقتارى تاراتىلدى.
