00:05, 10 - ءساۋىر 2016 | GMT +5
فۋتزالدان قازاقستان قۇراماسى الەمنىڭ ۇزدىك كومانداسى اتانۋى مۇمكىن
استانا. قازاقپارات - فۋتزالدان قازاقستان قۇراماسى الەمنىڭ ۇزدىك كومانداسى اتاعىنان ءۇمىتتى، - دەپ حابارلايدى Vesti.kz «قايرات» ميني-فۋتبول كلۋبىنا سىلتەمە جاساپ.
«Futsalplanet ۇزدىك ۇلتتىق كوماندا اتاعىنان ءۇمىتتى قۇرامالاردىڭ ءتىزىمىن جاريالادى. ولاردىڭ اراسىندا قازاقستان قۇراماسى دا بار، ول بيىل سەربيادا ەۋروپا چەمپيوناتىنىڭ قولا جۇلدەسىنە يە بولعان ەدى، ەندى كولۋمبياداعى الەم چەمپيوناتىنا وتۋگە مۇمكىندىگى بار»، - دەلىنگەن حابارلامادا.
قازاقستان قۇراماسىنان باسقا بۇل تىزىمدە ارگەنتينا، برازيليا، برازيليانىڭ ايەلدەر قۇراماسى، ۆەنگريا، يران، سلوۆەنيا، يسپانيا، رەسەيدىڭ ايەلدەر قۇراماسى مەن ۋكراينا قۇراماسى بار.
ايتا كەتەيىك، بۇعان دەيىن فۋتزالدان قازاقستان قۇراماسى مەن «قايراتتىڭ» قاقپاشىسى يگيتانىڭ الەمنىڭ ۇزدىك قاقپاشىسى اتاعىنان ءۇمىتتى ەكەنى ايتىلدى.
