قازاقستاننىڭ قىتايداعى ەلشىسى ش. نۇرىشيەۆ قىتاي ورتالىق تەليەۆيزياسىنا باردى - فوتو
«ديالوگ» تەلەباعدارلاماسىنا قازاقستاندىق- قىتايلىق ەكىجاقتى قاتىناستاردىڭ جاعدايى مەن بولاشاعى تۋرالى سۇحبات بەردى.
كەزدەسۋ بارىسىندا تاراپتار ەكى ەلدىڭ تەليەۆيزيالىق ارنالارىنىڭ ىنتىماقتاستىق، «جىبەك جولىنىڭ ەكونوميكالىق بەلدەۋى» قۇرىلىسىن اقپاراتتىق سۇيەمەلدەۋ جانە ونىڭ «نۇرلى جول» جاڭا ەكونوميكالىق ساياساتىمەن تۇيىندەسۋى ماسەلەلەرىن ورتاعا سالدى.
شاحرات نۇرىشيەۆ قازاقستان تۇرعىندارىنىڭ قىتايدا « ءبىر بەلدەۋ، ءبىر جول» ستراتەگياسىنىڭ، سونداي- اق «ساندىق جىبەك جولى» جانە «اقپاراتتىق جىبەك جولى» باعدارلامالارىنىڭ ىسكە اسىرىلۋىمەن بايلانىستى وقيعالارعا ءوسىپ جاتقان قىزىعۋشىلىعىن اتاپ ءوتتى.
قازاقستاندىق ديپلومات قىتايلىق تىلشىلەردى ق ر تاۋەلسىزدىگىنىڭ 25 جىلدىعىنا وراي ۇيىمداستىرىلاتىن شارالارعا قاتىسۋعا، «ەكسپو-2017» حالىقارالىق مامانداندىرىلعان كورمەنى جانە قازاقستانداعى قىتاي ءتۋريزمى جىلىن جاريالاۋ بارىسىنا قاتىسۋعا شاقىردى.
قىتايلىق تەليەۆيزيا قىزمەتكەرلەرى قازاقستاننىڭ جىبەك جولى بويىندا ورنالاسقان تۇركىستان، تاراز، الماتى تاريحي جانە مادەني ورىندارىمەن تانىستى.
بۇدان باسقا، تاراپتار قازاقستان ورتالىق تەليەۆيزيالىق ارنالارى جانە «CCTV- رۋسسكي» ارناسىنىڭ قاتىسۋىمەن بىرلەسكەن تۇسىرىلىمدەردى ۇيىمداستىرۋ مۇمكىندىكتەرىنە قاتىستى پىكىر الماستى.
