13:46, 09 - ءساۋىر 2016 | GMT +5
شاعىن ۇشاق اپاتىنان ءۇش ادام قازا تاپتى
استانا. قازاقپارات - جۇما كۇنى امەريكانىڭ الياسكا شتاتىنداعى ادميرالتي ارالىندا Cessna 206 شاعىن ۇشاعى قۇلاپ، سالدارىنان ءۇش ادام قازا تاۋىپ، ءبىر ادام زارداپ شەكتى.
بۇل تۋرالى جەرگىلىكتى بيلىك وكىلدەرى حابارلادى.
ولاردىڭ ايتۋىنشا، Cessna 206 ۇشاعى 450 گە جۋىق تۇرعىنى بار انگۋن قالاشىعىنىڭ قاسىندا قۇلاعان. ونىڭ بورتىندا 4 ادام بولدى. ت ا س س- تىڭ حابارلاۋىنشا، قۇتقارۋشىلار ءبىر ءتىرى ايەلدى انىقتاپ، ونى دەرەۋ اۋرۋحاناعا جەتكىزدى.
قۇتقارۋشىلاردىڭ ۇشاقتارى اۋە اپاتى ورنىنا قاتتى جەل سالدارىنان جاقىنداي الماي وتىر.
