قازاق كۇرەسىنەن «تالدىقورعان ءبورىسى» جارىسىنىڭ ىرىكتەۋ كەزەڭى اياقتالدى - فوتو
ۇلتتىق سپورت فەستيۆالى ساحنالىق قويىلىم مەن جارىستىڭ قۇرمەتتى قوناقتارىنىڭ ونەر كورسەتۋىنەن كەيىن اشىلدى.
«مەملەكەت باسشىسى نۇرسۇلتان ءابىش ۇلى نازاربايەۆ دەنە شىنىقتىرۋدى دامىتۋعا ۇلكەن كوڭىل ءبولىپ جاتىر. ايماقتاردا بۇقارالىق سپورت بەلسەندى دامۋدا، بۇگىنگى جارىس مەنىڭ سوزدەرىمنىڭ مىسالى بولىپ تابىلادى»، - دەپ اتاپ ءوتتى تالدىقورعان قالاسىنىڭ اكىمى باعدات قاراسايەۆ.
قالا اكىمىنىڭ سوزدەرىن وليمپيادا چەمپيونى جاقسىلىق ۇشكەمپىروۆ قۋاتتاپ، سالاۋاتتى ءومىر سالتىن ناسيحاتتايتىن بۇل جارىستى ۇيىمداستىرۋ دەڭگەيىنىڭ جوعارى ەكەنىن اتاپ ءوتتى.
جارىسقا قاتىسۋعا 40 تان استام بالۋان نيەت بىلدىرگەن. ۇيىمداستىرۋشىلار جۇلدە قورىن 1 ميلليون تەڭگەگە دەيىن وسىرگەنى جارىسقا قاتىسۋعا ۇمىتكەرلەر سانىن كوبەيتكەن. قالالىق سپورت جانە دەنە شىنىقتىرۋ ءبولىمىنىڭ باسشىسى ادىلەت رىمتايەۆتىڭ ايتۋىنشا، جارىسقا قاتىسۋشىلاردىڭ قالاداعى جاقسى زالداردا جاتتىعۋلارىنا بارلىق جاعداي جاسالعان. ولارعا وبلىس ورتالىعىنىڭ جەتەكشى جاتتىعۋشىلارى كەڭەس بەرگەن.
«تالدىقورعان ءبورىسى» اتاعىنىڭ ءۇش دۇركىن چەمپيونى جانىبەك دۇيسەنبايەۆ پەن بالۋان توقتار قاركەتەروۆتىڭ اقتىق سىندا بەلدەسۋى جارىستىڭ اتاۋلى وقيعاسىنا اينالدى. توقتار قاركەتەروۆ ءبىرىنشى ورىن الىپ، 300 مىڭ تەڭگەنىڭ سەرتيفيكاتىنا يە بولدى. جانىبەك دۇيسەمبايەۆ وبلىستىق جارىسقا ەكىنشى جولدامانى الدى.
