مادەنيەت ءمينيسترى فەيسبۋكتەگى جازباسىنا بولا جۇمىسىنان كەتتى

استانا. قازاقپارات - پورتۋگاليانىڭ مادەنيەت ءمينيسترى جواۋ سوارەش فەيسبۋك الەۋمەتتىك جەلىسىندەگى پىكىرىنە بولا تۋىنداعان داۋعا بايلانىستى وتستاۆكاعا كەتتى، دەپ حابارلايدى BBC اگەنتتىگى.

7- ساۋىردەگى جازبادا (پورتۋگال تىلىندە - اۆتور ەسكەرت.) مينيستر ەكى جۋرناليستىڭ وزىنە ايتقاندارىن قورلادى دەپ ساناپ ولاردى «ساباسىنا تۇسىرەتىن شاپالاق» بەرۋگە ۋادە ەتكەن.

مينيستردىڭ شامىنا تيگەن جازبانىڭ ءبىرى Pْblico گازەتىنە ماقالا بولىپ شىقتى، وندا اۆتور سوارەشتى ءوز قۇزىرەتىنە ساي ەمەس، ءارى دورەكىلىك تانىتتى دەپ ايىپتادى.

تۇرعىندار ونىڭ ايتقان سوزدەرىن شامادان تىس دەپ قابىلداپ، وعان نارازىلار كوبەيدى.

سوارەش وزىنە ايىپتاۋلارعا قارسى جاۋاپ بەرۋگە قۇقىعى بار ەكەندىگىن مالىمدەگەن بولاتىن. الايدا ەلدىڭ پرەمەر-ءمينيسترى انتونيۋ كوشتى كوپشىلىك الدىندا ونىڭ جازباسىنا قاتىستى سىن ايتقان سوڭ وتستاۆكاعا كەتۋ تۋرالى شەشىم قابىلدادى.