الەمگە ايگىلى ۋيليامس قازاقستاندىق سپورتشىدان ۇتىلىپ قالدى

استانا. قازاقپارات - قازاقستاننىڭ ءبىرىنشى، الەمنىڭ 61- راكەتكاسى يۋليا پۋتينتسيەۆا ا ق ش- تىڭ چارلستون قالاسىندا ءوتىپ جاتقان حالىقارالىق تۋرنيردىڭ ءۇشىنشى اينالىمىندا دۇنيەجۇزىلىك رەيتينگتە 14- ورىندا تۇرعان، وسى جارىستا 3- بولىپ تىركەلگەن اتاقتى امەريكالىق تەننيسشى ۆينۋس ۋيليامسپەن كۇش سىناستى.

تىكەلەي سپورتتىق كورسەتىلىم ارقىلى ءمالىم بولعانىنداي، اسا تارتىستى وتكەن ماتچتىڭ ءبىرىنشى پارتياسىندا قازاقستاندىق تەننيسشى تاي-برەيكتە جەڭىسكە جەتە ءبىلدى. ەكىنشى پارتيانى تاجىريبەسى مول ءارى كورەرمەندەر قولداعان 35 جاستاعى ۆينۋس ۋيليامس 6:2 ەسەبىمەن ۇتتى. شەشۋشى، ءۇشىنشى پارتيا دا وتە شيەلەنىستى بولدى. ەسەپ 5:4 بولىپ تۇرعان ساتتە يۋليا برەيك جاساپ، كەزدەسۋدى جەڭىسپەن اياقتاي ءبىلدى.

ءسويتىپ 21 جاسار يۋ. پۋتينتسيەۆا كەزىندە الەم بىرىنشىلىگىمەن تەڭ سانالاتىن «ۇلكەن دۋلىعا» تۋرنيرلەرىن الدەنەشە رەت ۇتقان ۆ. ۋيليامستى 7:6, 2:6, 6:4 ەسەبىمەن تىزە بۇكتىرىپ، چارلستون تۋرنيرىنىڭ شيرەك فينالىنا شىقتى. ەندى ول جارتىلاي فينالعا شىعۋ ءۇشىن يتاليالىق سارا ەرراني مەن اۆستراليالىق سامانتا ستوسۋردىڭ قاي جەڭگەنىمەن تالاسادى.