استانادا حالىقارالىق تۋرنيرى باستالدى - فوتو، كەسكىن
الەمنىڭ التى ەلىنەن كەلگەن سپورتشىلار وسى جىلدىڭ قاراشاسىندا وتەتىن ازيا چەمپيوناتىنا ليتسەنزيانى جەڭىپ الادى.
«بۇل جارىس - استانادا ءۇشىنشى جىل ءوتىپ وتىر. ادەتتە، حالىقارالىق تۋرنيرگە سەگىز ەلدىڭ وكىلدەرى كەلەتىن ەدى، ءبىراق، وكىنىشكە قاراي، بيىل گرۋزيا، قىرعىزستان، تايپەي، رەسەي جانە قازاقستان قاتىسىپ وتىر. باسا ايتا كەتەرلىگى، جارىسقا قازاقستاننىڭ سەگىز ونەرپازى قاتىسۋدا»، - دەيدى قازاقستانداعى زاماناۋي جانە سپورت ءبيى فەدەراتسياسىنىڭ پرەزيدەنتى ءاليا تۇسىپبەكوۆا.
جارىس ەكى كۇنگە جالعاسادى. سپورتشىلار ءتورت باعدارلاما بويىنشا، اتاپ ايتساق، ءبىر ادام اربادا، ءبىر سپورتشى تۇرىپ بيلەيتىن؛ ارباعا تاڭىلعان ەكى ادام بيلەيتىن، جەكە ءبىر ادام بيلەيتىن جانە فريستايل باعدارلامالارى بويىنشا ونەر كورسەتەدى.
جالپى، ءۇش جىل ىشىندە تۋرنيرگە قاتىسامىن دەۋشىلەردىڭ سانى ارتقان. جارىس ەڭ ءبىرىنشى رەت وتكەن جىلى 36 ادام قاتىسسا، قازىر اربادا وتىرعان 80 ادام جارىسقا قاتىسىپ جاتىر. وسىلايشا، ارباداعى سپورتشىلاردى قوسا العاندا، حالىقارالىق تۋرنيرگە بارلىعى 100 دەن استام ادام قاتىسۋدا.
