ۇرپاعىمىز سوعىس كورمەسە، سول - باقىت - م. ءاجىعۇلوۆ، مايدانگەر
بۇل تۋرالى ورال قالاسىندا تۇراتىن ۇلى وتان سوعىسى جانە ەڭبەك ارداگەرى مۇحتار ءاجىعۇلوۆ ءمالىم ەتتى.
ونىڭ ايتۋىنشا، ەلباسىمىزدىڭ الەمدىك مىنبەردەن وسىلايشا باستاما كوتەرۋى - ۇلكەن مەرەي، بيىك مارتەبە.
«سوعىستىڭ قانشالىقتى قايعى- قاسىرەت اكەلەتىنىن سونى باستان وتكەرگەن ادامدار مەن ەلدەر جاقسى بىلەدى. سوندىقتان «الەم ХХІعاسىر» مانيفەسىن دۇنيە جۇزىندەگى بارشا حالىق قولدايدى دەپ ويلايمىن. ەلباسىمىز اتاپ وتكەنىندەي، ХХІعاسىردا الەمگە تىنىشتىق كەرەك! بۇعان بارلىق ادام اتسالىسىپ، بەيبىتشىلىكتىڭ سالتانات قۇرۋىنا ءوز ۇلەستەرىن قوسۋى كەرەك.
قازاق جەرىندە دە تالاي سوعىستىڭ بولعانى اقيقات. ءبىزدىڭ اتا-بابالارىمىز ازاتتىق جولىندا جانىن دا، قانىن دا بەردى. كەشەگى ۇلى وتان سوعىسىنىڭ اۋىرتپالىعىن ەل ۇمىتا قويعان جوق. قانشاما انا ۇلىنان ايىرىلدى، قانشاما شاڭىراق ورتاسىنا ءتۇستى، ءتىپتى تۇتاس ەلدەرگە دەيىن بوسىپ كەتتى.
ونداي قاسىرەتتى ەشكىمنىڭ باسىنا بەرمەسىن. قازىرگى كەزدە ەلباسىمىزدىڭ ساليقالى ساياساتى ارقاسىندا قازاقستاندا تىنىشتىق پەن كەلىسىم ورناپ وتىر. وسى ءۇردىس ۇزاعىنان بولسىن، ەلىمىز قارىشتاپ دامي بەرسىن. جۇرتىمىز مامىراجاي عۇمىر كەشە بەرسىن. دەگەنمەن ءبىز الەمنەن بولىنە المايمىز. كەيبىر ەلدەردە بولىپ جاتقان قاقتىعىستار ءبىزدى دە الاڭداتادى. سول سەبەپتى كوپپەن بىرگە ءۇن قوسا وتىرىپ، سوعىس اتاۋلىعا توسقاۋىل قويايىق. ەڭ باستىسى، جەلكىلدەپ ءوسىپ كەلە جاتقان جاس ۇرپاعىمىز سوعىس كورمەسە، سول - باقىت»، دەدى م. ءاجىعۇلوۆ.
اۆتور: ەلجان ەرالى
