الماتىدا فۋتزالدان الەم بىرىنشىلىگىنىڭ ىرىكتەۋ ماتچى وتكىزىلەدى

الماتى. قازاقپارات - 12- ساۋىردە الماتى قالاسىنداعى بالۋان شولاق اتىنداعى سپورت سارايىندا قازاقستان مەن پولشا قۇرامالارى اراسىندا الەم بىرىنشىلىگىنىڭ ىرىكتەۋ ماتچى وتكىزىلەدى.

 پولشانىڭ شەتسين قالاسىندا بولعان ءبىرىنشى ويىندا كوماندالار 1:1 ەسەبىمەن تەڭ ونەر كورسەتكەن بولاتىن.

ەندى، بيىل 14- قىركۇيەك پەن 2- قازان ارالىعىندا كولۋمبيادا وتەتىن الەم چەمپيوناتىنىڭ فينالدىق كەزەڭىنە ءوتۋ ءۇشىن وتانداستارىمىز الداعى ويىندا قالايدا جەڭىسكە جەتۋى ءتيىس.

«وتكەن جىلى قازاقستان قۇراما كومانداسى فرانسيا (4:2)، چەحيا (3:1) سەكىلدى الەمگە تانىمال مىقتى كوماندالاردى جەڭىپ، سلوۆەنيامەن (2:2) تەڭ ويناعان بولاتىن. ءسويتىپ، الەم چەمپيوناتىنىڭ ىرىكتەۋ كەزەڭىنە جولداما الدى»، - دەلىنگەن قازاقستاننىڭ فۋتزال قاۋىمداستىعىنىڭ حابارلاماسىندا.

ايتا كەتەلىك، الداعى ماتچ 12- ءساۋىر كۇنى كەشكى ساعات 19:30 دا باستالادى.

اۆتور: ايبوتا جاپپاربەرگەن